Lucas 24:39

Ang Biblia 2011

Tan-awa ang akong mga kamot ug mga tiil, nga mao gayod ako. Hikapa ako ug tan-awa, kay ang espiritu walay unod ug mga bukog ingon sa inyong nakita nga ania kanako.”

Cross References

Ecclesiastes 12:7

ug ang abog mobalik sa yuta sama kaniadto, ug ang espiritu mobalik ngadto sa Dios nga maoy naghatag niini.

Numeros 16:22

Ug sila mihapa ug miingon “O Dios, ang Dios sa mga espiritu sa tanan nga unod, kon makasala ang usa ka tawo, masuko ba ikaw sa tibuok nga katilingban?”

Lucas 23:46

Unya si Jesus misinggit sa kusog nga tingog nga nag-ingon, “Amahan, nganha sa imong mga kamot itugyan nako ang akong espiritu!” Ug sa nakasulti siya niini, nabugto ang iyang gininhawa.

Lucas 24:38

Ug siya miingon kanila, “Nganong nasamok man kamo, ug nganong may mga pagpangutana man sa inyong mga kasingkasing?

Lucas 24:40

Ug sa nakasulti na siya niini, iyang gipakita kanila ang iyang mga kamot ug mga tiil.

Juan 20:20

Ug sa nakasulti na siya niini, gipakita niya kanila ang iyang mga kamot ug ang iyang kilid. Busa ang mga tinun-an nangalipay sa ilang pagkakita sa Ginoo.

Juan 20:25

Busa ang mga tinun-an miingon kaniya, “Nakita namo ang Ginoo.” Apan siya miingon kanila, “Gawas kon makita nako ang inagian sa mga lansang diha sa iyang mga kamot ug ikabutang nako ang akong tudlo diha sa inagian sa mga lansang ug ikabutang nako ang akong kamot diha sa iyang kilid, dili gayod ako motuo.”

Juan 20:27

Ug siya miingon kang Tomas, “Ibutang diri ang imong tudlo ug tan-awa ang akong mga kamot. Itunol ang imong kamot ug ibutang kini sa akong kilid. Ayaw na pagpakawalay pagtuo hinuon pagmatinuohon.”

Mga Buhat 1:3

Human sa iyang pag-antos, mipakita siya kanila nga buhi pinaagi sa daghang mga pagpamatuod, nagpakita ngadto kanila sulod sa 40 ka adlaw ug nagsulti kanila mahitungod sa gingharian sa Dios.

1 Mga Taga-Tesalonica 5:23

Ang Dios sa pakigdait magbalaan unta kaninyo sa kinatibuk-an, ug ang inyong bug-os nga espiritu, kalag ug lawas magpabilin unta nga dili masaway inig-abot sa atong Ginoong Jesu-Cristo.

Mga Hebreo 12:9

Dugang pa, aduna kitay yutan-ong mga amahan nga maoy magpanton kanato ug kita nagtahod kanila. Dili ba labaw pa hinuon nga magpailalom kita sa Amahan sa mga espiritu ug mabuhi kita?

1 Juan 1:1

Kadto nga diha na sukad pa sa sinugdan nga among nadungog, among nakita pinaagi sa among mga mata, among nasud-ong ug nahikap pinaagi sa among mga kamot, mahitungod sa pulong sa kinabuhi—