Lucas 24:27

Ang Biblia 2011

Ug sugod kang Moises ug sa tanang mga propeta, iyang gipasabot kanila ang mga butang sa tibuok nga kasulatan mahitungod sa iyang kaugalingon.

Cross References

Genesis 12:3

Panalanginan nako ang nagpanalangin kanimo ug ang nagtunglo kanimo tunglohon usab nako ug pinaagi kanimo panalanginan ang tanang kabanayan sa yuta.”

Genesis 22:18

Ug pinaagi sa imong kaliwat ang tanang nasod sa yuta magpanalangin sa ilang kaugalingon kay gituman man nimo ang akong tingog.”

Genesis 26:4

Padaghanon nako ang imong mga kaliwat sama sa mga bituon sa langit ug ihatag nako sa imong kaliwatan kining tanang mga yuta, ug ang tanang mga nasod sa yuta mapanalanginan tungod sa imong kaliwat,

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

Salmo 132:11

Ang Ginoo nanumpa kang David ug usa ka kasaligan nga panumpa nga gikan niini dili na siya mobulag: “Usa sa mga anak sa imong lawas ipahimutang nako sa imong trono.

Isaias 1:23

Ang imong mga pangulo masupilon ug kauban sa mga kawatan. Ang matag usa nahigugma sa suborno ug nagtinguha sa mga gasa. Wala nila panalipdi ang mga wala nay amahan, ug ang mga sumbong sa biyuda wala modangat kanila.

Isaias 50:6

Ako naghatag sa akong likod ngadto sa mga tighampak, ug sa akong mga aping ngadto kanila nga nag-ibot sa bungot; wala nako tagoi ang akong nawong gikan sa kaulaw ug pagpangluwa.

Isaias 7:14

Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.

Isaias 8:17

Ako maghulat alang sa Ginoo, nga nagtago sa iyang nawong gikan sa balay ni Jacob, ug ako maglaom diha kaniya.

Isaias 9:1

Apan wala na unyay kangitngit alang kaniya nga diha sa kasakit. Sa unang panahon iyang gipakaulawan ang yuta sa Zabulon ug ang yuta sa Neftali, apan sa ulahing panahon iyang himoon nga mahimayaon ang agianan sa dagat, ang yuta unahan sa Jordan, ang Galilea sa mga nasod.

Ezequiel 34:23

Ug ibutang nako ang usa ka tigbantay ibabaw kanila, ang akong alagad nga si David, ug siya magpasibsib kanila. Siya magpasibsib kanila ug siya mahimong ilang tigbantay.

Ezequiel 37:25

Sila magpuyo sa yuta nga gipuy-an sa inyong mga katigulangan, nga akong gihatag sa akong alagad nga si Jacob, ug sila ug ang ilang mga anak ug ang mga anak sa ilang mga anak magpuyo didto hangtod sa kahangtoran, ug ang akong alagad nga si David mahimo nga ilang pangulo hangtod sa kahangtoran.

Daniel 7:13

Nakita nako diha sa mga panan-awon sa kagabhion, ug uban sa mga panganod sa langit may usa nga miabot nga sama sa anak sa tawo ug siya miadto kaniya nga gikan sa kakaraanan ug gidala sa iyang atubangan.

Miqueas 5:6

sila maghari sa yuta sa Asiria pinaagi sa espada, ug sa yuta ni Nimrod pinaagi sa gilanit nga espada; ug sila magluwas kanato gikan sa mga Asirianhon sa diha nga moabot na siya sa atong yuta, ug motunob sa atong utlanan.

Miqueas 7:20

Ikaw magpakita ug pagkamatinud-anon ngadto kang Jacob ug gugmang walay paglubad ngadto kang Abraham, sumala sa imong gipanumpa sa among katigulangan gikan pa sa karaang mga adlaw.

Zacarias 13:7

“Pagmata na, O espada, batok sa akong tigbantay sa karnero, batok sa tawo nga nagtindog sunod kanako,” nag-ingon ang Ginoo sa mga panon. “Tigbasa ang tigbantay aron ang mga karnero magkatibulaag; pabalikon nako ang akong kamot batok sa mga gagmay.

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Malaquias 4:2

Apan kaninyo nga may kahadlok sa akong ngalan, ang adlaw sa pagkamatarong mosubang nga nagdala ug kaayohan sa iyang mga pako. Kamo manggula nga magluksolukso sama sa mga nating baka sa toril.

Numeros 21:14

Busa giingon kini diha sa basahon sa mga Gubat sa Ginoo, “Waheb sa Supa ug ang mga walog sa Arnon,

Marcos 4:34

Ug wala siya magsulti kanila nga dili pinaagi ug sambingay, apan kauban sa iyang mga tinun-an nga silasila lamang, gisaysay niya ang kahulogan niining tanan.

Lucas 24:25

Ug si Jesus miingon kanila, “O mga tawong buangbuang, ug mga hinay ug kasingkasing sa pagtuo sa tanang gisulti sa mga propeta!

Lucas 24:44

Unya miingon siya kanila, “Kini mao ang akong mga pulong nga gisulti nako kaninyo sa kauban pa ako ninyo, nga ang tanang nasulat mahitungod kanako diha sa Balaod ni Moises ug sa mga Propeta ug sa mga Salmo kinahanglan gayod nga matuman.”

Juan 1:45

Unya gikahibalag ni Felipe si Natanael, ug giingnan siya, “Among gikahibalag siya nga gihisgotan sa gisulat ni Moises diha sa Balaod ug sa mga Propeta usab. Siya si Jesus nga Nazaretnon, ang anak ni Jose.”

Juan 12:41

Kini gisulti ni Isaias tungod kay nakita man niya ang himaya ni Jesus ug misulti siya mahitungod kaniya.

Juan 5:37

Ug ang Amahan nga maoy nagpadala kanako, siya mao ang nagpamatuod mahitungod kanako. Kamo wala gayod makadungog sa iyang tingog, kamo wala gayod makakita sa iyang dagway.

Juan 5:39

Kamo nagsusi sa Kasulatan kay naghunahuna man kamo nga pinaagi niini makaplagan ninyo ang kinabuhing dayon, hinuon mao kini ang nagpamatuod mahitungod kanako,

Mga Buhat 10:43

Kaniya ang tanang mga propeta nagpamatuod nga ang tanang motuo kaniya makadawat sa kapasayloan sa mga sala pinaagi sa iyang ngalan.”

Mga Buhat 3:18

Apan ang gisulti nang daan sa Dios pinaagi sa baba sa tanang mga propeta, nga ang Cristo kinahanglan gayod nga mag-antos, iyang gituman.

Mga Buhat 3:22

Kay si Moises miingon, ‘Ang Ginoong Dios magtuboy alang kaninyo ug usa ka propeta gikan sa inyong mga kaigsoonan sama sa iyang pagtuboy kanako. Mamati kamo kaniya sa bisan unsa nga iyang isulti kaninyo.

Mga Buhat 3:24

Ug ang tanang mga propeta nga nagsulti sukad kang Samuel ug sa mga miabot human kaniya, nagsangyaw usab niining mga adlawa.

Mga Buhat 7:37

Kini mao ang Moises nga miingon sa mga Israelinhon, ‘Usa ka propeta gikan sa inyong kaigsoonan patindogon sa Dios alang kaninyo, sama sa iyang pagpatindog kanako.’

Mga Buhat 8:35

Unya si Felipe misulti, ug sugod sa maong bahin sa kasulatan siya misaysay kaniya sa Maayong Balita mahitungod kang Jesus.

Deuteronomio 1:45

Ug mibalik kamo ug mihilak sa atubangan sa Ginoo apan ang Ginoo wala magpatalinghog sa inyong tingog o mamati kaninyo.

Deuteronomio 18:15

“Ang Ginoo nga inyong Dios magpatindog alang kaninyo ug usa ka propeta sama kanako gikan sa inyong taliwala, gikan sa inyong mga igsoon, kaniya mamati kamo.

Gipadayag 19:10

Unya mihapa ako sa iyang tiilan aron unta sa pagsimba kaniya, apan siya miingon kanako, “Ayaw kana buhata! Ako usa lamang ka sulugoon nga kauban nimo ug sa imong kaigsoonan nga naghupot sa pagpamatuod mahitungod kang Jesus. Maoy simbaha ang Dios. Kay ang pagpamatuod mahitungod kang Jesus mao man ang espiritu sa propesiya.”