Lucas 24:19

Ang Biblia 2011

Ug siya miingon kanila, “Unsa bang mga butanga?” Ug sila miingon kaniya, “Mahitungod kang Jesus nga Nazaretnon, nga usa ka propeta nga gamhanan sa buhat ug sa pulong sa atubangan sa Dios ug sa tanang mga tawo,

Cross References

Mateo 21:11

Ug ang mga panon sa katawhan miingon, “Mao kini ang propeta nga si Jesus gikan sa Nazaret sa Galilea.”

Marcos 1:24

Misinggit siya nga nag-ingon, “Unsay imong tuyo kanamo, Jesus nga Nazaretnon? Mianhi ba ikaw aron sa paglaglag kanamo? Nakaila ako kon kinsa ikaw, ang Balaan sa Dios.”

Lucas 24:18

Unya ang usa kanila, nga ginganlan ug Cleopas, mitubag kaniya, “Ikaw ra ba ang langyaw sa Jerusalem nga wala mahibalo sa mga butang nga nahitabo didto sulod niining mga adlawa?”

Lucas 7:16

Silang tanan nahadlok pag-ayo ug ilang gidayeg ang Dios nga nag-ingon, “Usa ka bantogang propeta ang mitungha sa atong taliwala!” ug, “Ang Dios miduaw sa iyang katawhan!”

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Juan 4:19

Ang babaye miingon kaniya, “Ginoo, naila nako nga ikaw usa ka propeta.

Juan 6:14

Sa pagkakita sa mga tawo sa ilhanan nga iyang gibuhat, sila miingon, “Sa pagkatinuod kini siya mao gayod ang propeta nga moanhi sa kalibotan!”

Juan 7:52

Sila mitubag kaniya, “Gikan ka ba usab diay sa Galilea? Susiha ug imong masuta nga walay propeta nga maggikan sa Galilea.” [

Mga Buhat 10:38

giunsa sa Dios pagdihog pinaagi sa Espiritu Santo ug sa gahom, giunsa niya paglibot aron sa pagbuhat ug maayo ug sa pagpang-ayo sa tanang gisakit sa yawa, kay ang Dios nag-uban kaniya.

Mga Buhat 2:22

“Mga tawo sa Israel, pamatia ninyo kining mga pulonga: si Jesus nga Nazaretnon, tawo nga gipamatud-an kaninyo sa Dios pinaagi sa gamhanang mga buhat ug mga kahibulongan ug mga ilhanan nga gihimo sa Dios pinaagi kaniya diha kaninyo, sumala sa inyo gayod nga nahibaloan.

Mga Buhat 7:22

Ug si Moises gitudloan sa tanang kaalam sa mga Ehiptohanon ug siya gamhanan sa iyang mga pulong ug mga buhat.

Deuteronomio 18:15

“Ang Ginoo nga inyong Dios magpatindog alang kaninyo ug usa ka propeta sama kanako gikan sa inyong taliwala, gikan sa inyong mga igsoon, kaniya mamati kamo.