Lucas 24:11

Ang Biblia 2011

Apan sa ilang pagpaminaw niini, kining mga pulonga daw binuang lamang ug sila wala motuo kanila.

Cross References

Genesis 19:14

Unya migula si Lot ug misulti sa iyang mga umagaron nga buot mangasawa sa iyang mga anak nga babaye ug siya miingon kanila, “Panindog kamo, pahawa kamo niining dapita kay hapit na gayod laglagon sa Ginoo kining siyudara.” Apan nagtuo ang iyang mga umagaron nga siya nagtiaw lamang kanila.

2 Mga Hari 7:2

Unya ang pangulo nga maoy sinaligan sa hari miingon sa tawo sa Dios, “Kon ang Ginoo maghimo ug mga tamboanan sa langit, mahitabo kaha kining butanga?” Apan siya miingon, “Ikaw makakita niana sa imong mga mata, apan dili ikaw makakaon niana.”

Job 9:16

Kon ako magtawag kaniya ug siya motubag kanako, dili ako motuo nga siya namati sa akong tingog.

Salmo 126:1

Sa dihang gibalik sa Ginoo ang maayong kahimtang sa Zion, kita sama niadtong mga nagdamgo.

Marcos 16:11

Apan sa ilang pagkadungog nga siya buhi ug nga siya nakita ni Maria, wala sila motuo niini.

Marcos 16:13

Ug mibalik sila ug nanugilon sa uban apan wala sila nila tuohi.

Marcos 16:14

Unya mipakita siya sa napulo ug usa samtang nanambong sila sa kan-anan ug gisaway niya sila tungod sa kakulang nila ug pagtuo ug kagahi nila ug kasingkasing, kay wala man sila motuo sa mga nakakita kaniya human siya mabanhaw.

Lucas 24:25

Ug si Jesus miingon kanila, “O mga tawong buangbuang, ug mga hinay ug kasingkasing sa pagtuo sa tanang gisulti sa mga propeta!

Lucas 24:41

Ug samtang wala pa sila makatuo tungod sa ilang kalipay ug kahibulong, siya miingon kanila, “Aduna ba kamoy makaon dinhi?”

Mga Buhat 12:9

Ug si Pedro migula ug misunod kaniya ug wala siya mahibalo nga tinuod kadtong gibuhat sa anghel apan naghunahuna nga nakakita siya ug usa ka panan-awon.