Lucas 23:9

Ang Biblia 2011

Busa iyang gipangutana si Jesus sulod sa taas nga panahon, apan wala siyay gitubag kaniya.

Cross References

Salmo 39:9

Amang ako; dili ako magbuka sa akong baba, kay ikaw ang nagbuhat niini.

Isaias 53:7

Siya gidaogdaog ug siya gisakit, bisan pa niana wala niya bukha ang iyang baba; sama sa usa ka nating karnero nga gidala ngadto sa ihawan, ug sama sa usa ka karnero nga naamang sa atubangan sa iyang mga tigtupi, busa wala niya bukha ang iyang baba.

Mateo 27:12

Apan sa diha nga gipasakaan na siya ug sumbong sa mga pangulong pari ug sa mga kadagkoan, wala siya motubag.

Mateo 27:14

Apan wala gayod siya motubag, bisan na lamang ug batok sa usa ka sumbong, ug tungod niana ang gobernador nahibulong kaayo.

Mateo 7:6

“Ayaw ihatag sa mga iro ang butang nga balaan ug ayaw iitsa ang inyong mga perlas ngadto sa mga baboy kay tingali unya ug ila kining yatakyatakan ug sumbalikon unya nila kamo ug hambaton.

Marcos 15:5

Apan si Jesus wala na motubag, tungod niini nahibulong si Pilato.

Lucas 13:32

Siya mitubag kanila, “Adtoa ug suginli ninyo ang maong milo, ‘Tan-awa, manghingilin ako ug mga demonyo ug mang-ayo ako karon ug ugma, ug sa ikatulo nga adlaw taposon nako ang akong buluhaton.

Lucas 23:10

Unya ang mga pangulong pari ug ang mga eskriba mitindog, mainitong mihimo ug sumbong batok kaniya.

Juan 19:9

Ug siya misulod pag-usab sa palasyo ug miingon kang Jesus, “Taga diin ba ikaw?” Apan si Jesus wala motubag kaniya.

Mga Buhat 8:32

Ug ang bahin sa kasulatan nga iyang gibasa mao kini: “Sama sa karnero nga gidala ngadto sa ihawan, o sa nating karnero nga hilom sa atubangan sa nagputol sa iyang buhok, wala usab niya bukha ang iyang baba.

1 Pedro 2:23

Sa gisultihan siya ug pasipala, wala siya mobalos ug pasipala; sa nag-antos siya, wala siya manghulga; hinuon gitugyan niya ang iyang kaugalingon ngadto kaniya nga maghukom uban sa katarongan.