Lucas 23:8

Ang Biblia 2011

Sa pagkakita ni Herodes kang Jesus, siya nalipay kay dugay na man siyang nagtinguha sa pagpakigkita kaniya, kay nakadungog man siya mahitungod kaniya. Ug naglaom siya nga makakita ug mga milagro nga buhaton ni Jesus.

Cross References

2 Mga Hari 5:11

Apan si Naaman nasuko ug mipahawa nga nag-ingon, “Ako nagdahom nga siya mogula gayod nganhi kanako ug motindog ug magtawag sa ngalan sa Ginoo nga iyang Dios ug magwarawara sa iyang kamot diha sa maong dapit, ug mamaayo ang sanla.

Mateo 14:1

Niadtong panahona si Herodes nga gobernador nakadungog sa kabantog ni Jesus.

Marcos 6:14

Unya si Hari Herodes nakadungog niini, kay ang ngalan ni Jesus nabantog na man. Ug dihay mga nag-ingon, “Si Juan nga Tigbautismo gibanhaw gikan sa mga patay ug mao kanay hinungdan nga kining mga gahoma naglihok diha kaniya.”

Marcos 8:34

Gitawag niya ang panon sa katawhan uban sa iyang mga tinun-an, ug siya miingon kanila, “Kon adunay tawong buot mosunod kanako, kinahanglang magdumili sa iyang kaugalingon, ug magpas-an sa iyang krus, ug magsunod kanako.

Lucas 4:23

Ug siya miingon kanila, “Sa walay duhaduha inyong isulti kanako kining maong panultihon, ‘Doktor, ayoha ang imong kaugalingon! Buhata usab dinhi sa imong kaugalingong lungsod ang among nadungog nga imong gibuhat didto sa Capernaum.’ ”

Mga Buhat 8:19

Siya miingon, “Hatagi usab ako niining gahoma aron nga bisan kinsay akong pandongan sa akong mga kamot makadawat sa Espiritu Santo.”