Lucas 23:56

Ang Biblia 2011

Unya mipauli sila ug nag-andam ug mga pahumot ug mga haplas. Sa adlaw nga igpapahulay, mipahulay sila sumala sa kasugoan.

Cross References

2 Cronicas 16:14

Gilubong nila siya sa lubnganan nga gibuhat niya alang sa iyang kaugalingon didto sa siyudad ni David. Gibutang nila siya sa lungon nga napuno sa nagkalainlaing mga pahumot nga giandam sa mga tigbuhat ug pahumot, ug sila naghimo ug usa ka dako kaayong daob sa pagpasidungog kaniya.

Exodo 31:14

Tumana ninyo ang adlaw nga igpapahulay, kay kini balaan alang kaninyo. Ang magpasipala niini kinahanglan nga patyon gayod kay si bisan kinsa nga magbuhat ug bisan unsang buluhaton niining adlawa, kanang tawhana ipahimulag gikan sa taliwala sa iyang katawhan.

Marcos 16:1

Sa paglabay sa adlaw nga igpapahulay, si Maria Magdalena ug si Maria nga inahan ni Santiago ug si Salome, namalit ug mga pahumot aron ilang adtoon ug dihogan ang lawas ni Jesus.

Lucas 24:1

Apan sa unang adlaw sa semana, sayo sa kaadlawon, miadto sila sa lubnganan, dinala ang mga pahumot nga ilang giandam.

Deuteronomio 5:14

Apan ang ikapito nga adlaw usa ka adlaw nga igpapahulay ngadto sa Ginoo nga inyong Dios. Niini ayaw kamo pagbuhat ug bisan unsa nga buluhaton, kamo, ang inyong mga anak nga lalaki o ang inyong mga anak nga babaye o ang inyong mga sulugoon nga lalaki o ang inyong mga sulugoon nga babaye o ang inyong mga baka o ang inyong mga asno o bisan unsa sa inyong mga kahayopan o sa langyaw nga anaa sa sulod sa inyong mga ganghaan, aron makapahulay ang inyong mga sulugoon nga lalaki ug ang inyong mga sulugoon nga babaye ug kamo usab.