Lucas 23:5

Ang Biblia 2011

Apan namugos sila nga nag-ingon, “Iyang gigubot ang mga tawo sa iyang pagtudlo kanila sa tibuok Judea, gikan sa Galilea hangtod pa gani dinhing dapita.”

Cross References

Salmo 22:16

Ang mga iro naglibot kanako; usa ka panon sa mga tigbuhat ug daotan naglibot kanako; giduslak nila ang akong mga kamot ug ang akong mga tiil—

Salmo 57:4

Ang akong kalag ania taliwala sa mga liyon nga mga tumutukob sa mga anak sa tawo; ang ilang mga ngipon mga bangkaw ug mga udyong ug ang ilang dila mga hait nga espada.

Salmo 69:4

Daghan pa kay sa buhok sa akong ulo ang mga nagdumot kanako sa walay hinungdan; gamhanan kadtong buot molaglag kanako, kadtong miasdang kanako pinaagi sa mga bakak. Kinahanglan ba nakong iuli ang wala nako kawata?

Mateo 11:1

Ug mao kadto nga sa pagkahuman ni Jesus ug pahimangno sa iyang napulo ug duha ka tinun-an, mibiya siya didto aron sa pagpanudlo ug pagwali didto sa ilang mga lungsod.

Mateo 2:1

Niadtong tungora sa natawo na si Jesus didto sa Betlehem sa Judea sa panahon ni Herodes nga hari, dihay mga mago gikan sa Sidlakan nga miabot sa Jerusalem, ug nangutana,

Mateo 27:24

Busa sa pagtan-aw ni Pilato nga wala siyay mahimo ug nagsugod na hinuon ang kagubot, mikuha siya ug tubig ug sa atubangan sa panon sa katawhan nanghunaw siya sa iyang mga kamot nga nag-ingon, “Wala akoy sala sa dugo niining tawhana, inyo na kanang tulubagon.”

Mateo 4:23

Milibot si Jesus sa tibuok Galilea ug nagtudlo sulod sa ilang mga sinagoga ug nagwali sa Maayong Balita mahitungod sa gingharian ug nag-ayo sa tanang balatian ug tanang sakit sa katawhan.

Marcos 1:14

Unya human sa pagdakop kang Juan, si Jesus miadto sa Galilea, nagwali sa Maayong Balita gikan sa Dios

Lucas 11:53

Sa iyang pagbiya gikan didto, ang mga eskriba ug mga Pariseo misugod sa paglisodlisod kaniya ug sa paghagit kaniya sa pagsulti mahitungod sa daghang mga butang,

Lucas 23:23

Apan mapugsanon silang nangayo uban ang kusog nga singgit nga kinahanglang ilansang siya sa krus. Ug ang ilang mga tingog natuman.

Lucas 23:6

Sa pagkadungog ni Pilato niini, siya nangutana kon ang tawo Galileanhon ba.

Juan 1:43

Sa pagkasunod nga adlaw si Jesus buot moadto sa Galilea. Ug gikahibalag niya si Felipe ug giingnan, “Sunod kanako.”

Juan 19:15

Apan sila naninggit nga nag-ingon, “Ipalayo siya, ipalayo siya, ilansang siya sa krus!” Si Pilato miingon kanila, “Ilansang ba diay nako sa krus ang inyong Hari?” Ang mga pangulong pari mitubag, “Wala kami hari gawas kang Cesar.”

Juan 2:11

Mao kini ang una sa mga milagro ni Jesus. Kini nahitabo didto sa Cana sa Galilea, ug nagpadayag sa iyang himaya, ug ang iyang mga tinun-an mituo kaniya.

Juan 7:41

Ang uban nag-ingon, “Kini siya mao ang Cristo.” Apan dihay nag-ingon, “Maggikan ba sa Galilea ang Cristo?

Juan 7:52

Sila mitubag kaniya, “Gikan ka ba usab diay sa Galilea? Susiha ug imong masuta nga walay propeta nga maggikan sa Galilea.” [

Mga Buhat 10:37

Kamo nahibalo sa nahitabo sa tibuok Judea, nga nagsugod gikan sa Galilea human sa bautismo nga giwali ni Juan,

Mga Buhat 23:10

Sa diha nga misamot kainit ang panaglalisay, ang komandante nga nahadlok nga kuniskunison si Pablo, misugo sa mga sundalo sa pagkanaog ug sa pagkuha kaniya pinaagi sa kusog gikan kanila ug sa pagdala kaniya ngadto sa kampo.

Mga Buhat 5:33

Sa pagkadungog nila niini, sila nangasuko ug buot nga mopatay kanila.

Mga Buhat 7:54

Unya sa ilang pagkadungog niining mga butanga, sila nangasuko ug nagpakagot sa ilang mga ngipon batok kang Esteban.

Mga Buhat 7:57

Apan sila naninggit sa kusog nga tingog, sinampongan ang ilang mga dalunggan ug nagdungan sa pagduol kaniya.