Lucas 23:35

Ang Biblia 2011

Ug ang mga tawo nagtindog nga nagtan-aw, apan ang mga pangulo nagbugalbugal kaniya, nga nag-ingon, “Giluwas niya ang uban, ipaluwas niya ang iyang kaugalingon kon siya mao man ang Cristo sa Dios, ang iyang Pinili!”

Cross References

Salmo 22:17

mahimong maihap nako ang tanan nakong mga bukog— sila nagtan-aw ug nagtutok kanako;

Salmo 35:15

Apan diha sa akong pagkapukan sila naglipay, nagtigom sila batok kanako, mga talamayon nga tawo nga wala nako mailhi magbutangbutang kanako sa walay hunong;

Salmo 4:2

O katawhan, hangtod kanus-a ba nga ang akong dungog mapakaulawan? Hangtod kanus-a ba ang inyong paghigugma sa kakawangan, ug ang inyong pagpangita sa mga bakak? Selah

Salmo 69:26

Kay ilang gilutos siya nga imong gihampak, ug kadtong imong gisamaran ila pa gayong gipahinumdoman sa kasakit.

Salmo 71:11

nga nag-ingon, “Ang Dios mibiya kaniya; gukda ug dakpa siya kay walay bisan usa nga moluwas kaniya.”

Isaias 42:1

Tan-awa, ang akong sulugoon, nga akong gipataas, akong pinili, nga kaniya ang akong kalag nalipay; ako nagbutang sa akong Espiritu ibabaw kaniya, siya magdala ug hustisya sa mga kanasoran.

Isaias 49:7

Mao kini ang giingon sa Ginoo, ang Manunubos sa Israel ug ang iyang Balaan, kaniya nga gitamay pag-ayo, gikayugtan sa mga nasod, usa ka sulugoon sa mga pangulo, “Ang mga hari makakita ug manindog, mga pangulo, ug sila mangyukbo, tungod sa Ginoo nga matinumanon, ang Balaan sa Israel nga maoy nagpili kanimo.”

Isaias 53:3

Siya gitamay ug gisalikway sa mga tawo; usa ka tawo sa mga kasub-anan, ug sinati sa kasakitan, ug ingon sa usa ka tawo nga ang mga tawo magtago sa ilang nawong gikan kaniya, siya gibiaybiay ug siya wala nato hatagi ug bili.

Mga Pagbangotan 3:14

ako nahimong kataw-anan sa tanang mga katawhan, ug ilang alawiton sa pagbugalbugal sa tibuok nga adlaw.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Mateo 12:18

“Tan-awa, ang akong sulugoon nga akong pinili, ang akong pinalangga nga nakapahimuot sa akong kalag. Ibutang nako ang akong Espiritu diha kaniya ug siya magsangyaw sa hustisya ngadto sa mga Gentil.

Mateo 3:17

Ug dihay usa ka tingog gikan sa langit nga nag-ingon, “Kini mao ang akong Anak nga pinalangga, kaniya nalipay ako pag-ayo.”

Lucas 16:14

Ug ang mga Pariseo nga mga mahigugmaon sa salapi, nakadungog niining tanan ug sila mibugalbugal kaniya.

Lucas 23:13

Unya gipatigom ni Pilato ang mga pangulong pari ug ang mga pangulo ug ang katawhan,

Lucas 23:39

Unya usa sa mga kriminal nga gibitay mibugalbugal kaniya sa pagsulti nga nag-ingon, “Dili ba ikaw man ang Cristo? Luwasa ang imong kaugalingon ug kami!”

1 Pedro 2:4

Duol kamo kaniya, ang buhi nga bato, nga sinalikway sa mga tawo apan pinili sa Dios ug bililhon.