Lucas 23:34

Ang Biblia 2011

Unya si Jesus miingon, “Amahan, pasayloa sila, kay wala sila masayod sa ilang gibuhat.” Ug ilang giripahan ang iyang mga bisti aron sa pagbahin niini.

Cross References

Genesis 50:17

‘Mao kini ang isulti ninyo kang Jose: Naghangyo ako kanimo, pasayloa karon ang kalapasan sa imong mga igsoon ug ang ilang sala, kay daotan ang gibuhat nila kanimo.’ Tungod niini karon naghangyo kami kanimo nga pasayloon unta nimo ang kalapasan sa mga sulugoon sa Dios sa imong amahan.” Ug si Jose mihilak samtang nagsulti pa sila niini kaniya.

Salmo 22:18

gibahinbahin nila ang akong mga bisti tali kanila, ug ang akong kupo ilang giripahan.

Isaias 53:12

Tungod niini hatagan nako siya ug usa ka bahin uban sa bantogan, ug siya magbahin sa inilog uban sa kusgan; tungod kay iyang gibubo ang iyang kalag ngadto sa kamatayon, ug giisip uban sa mga malapason; bisan pa niini gipas-an niya ang sala sa daghan ug naghimo ug pagpangamuyo alang sa mga malapason.

Mateo 11:25

Ug sa maong panahon si Jesus miingon, “Nagpasalamat ako kanimo, Amahan, Ginoo sa langit ug sa yuta, nga kining mga butanga gililong nimo sa mga maalamon ug sa mga hait ug salabotan ug gipadayag hinuon nimo ngadto sa mga kabataan.

Mateo 11:26

Oo, Amahan, kay kini mao man ang imong gikahimut-an.

Mateo 5:44

Apan sultihan ko kamo, higugmaa ninyo ang inyong mga kaaway ug pag-ampo alang sa mga naglutos kaninyo

Marcos 15:24

Ug gilansang nila siya sa krus ug ang iyang mga bisti ilang gibahinbahin tali kanila pinaagi sa ripa aron sa paggahin kon unsa ang maangkon sa matag usa.

Lucas 22:42

“Amahan, kon buot nimo, kuhaa kining kupa gikan kanako, apan dili ang akong pagbuot maoy matuman kondili ang imo.” [

Juan 17:9

Ako nangamuyo alang kanila. Wala ako mangamuyo alang sa kalibotan, kondili alang kanila nga imong gitugyan kanako kay sila imo man.

Juan 19:11

Si Jesus mitubag kaniya, “Wala ka untay kagahom ibabaw kanako kon wala pa ikaw hatagi niini gikan sa kahitas-an, busa ang nagtugyan kanako nganha kanimo dako pa ug sala.”

Mga Buhat 16:28

Apan si Pablo misinggit kaniya sa kusog nga tingog nga nag-ingon, “Ayaw pagbuhat ug daotan sa imong kaugalingon kay ania ra kaming tanan!”

Mga Buhat 3:17

“Ug karon, kaigsoonan, ako nahibalo nga kamo nagbuhat diha sa pagkawalay alamag sama sa gibuhat sa inyong mga pangulo.”

Mga Buhat 7:60

Ug siya miluhod ug misinggit sa kusog nga tingog, “Ginoo, ayaw paningla kining salaa diha kanila.” Ug sa nakasulti na siya niini, siya namatay.

Roma 12:14

Panalangini kadtong mga naglutos kaninyo; pag-ampo ug ayaw panunglo.

1 Mga Taga-Corinto 2:8

Walay bisan usa sa mga pangulo niining panahona nga nakasabot niini kay kon nakasabot pa sila, dili unta nila ilansang sa krus ang Ginoo sa himaya.

1 Mga Taga-Corinto 4:12

ug naghago, nagbuhat pinaagi sa among kaugalingong mga kamot. Sa dihang bugalbugalan, kami magpanalangin; sa dihang lutoson, kami moantos;

1 Timoteo 1:13

bisan pa nga kaniadto ako tigpasipala ug tigpanglutos ug mabiaybiayon, apan gikaluy-an ako kay sa akong pagkawalay pagtuo gibuhat nako kadto nga walay kahibalo.

1 Pedro 3:9

dili magbalos ug daotan sa daotan o magbalos ug pasipala sa pagpasipala kondili magpanalangin hinuon kay alang niini kamo gitawag aron makaangkon ug panalangin.