Lucas 23:32

Ang Biblia 2011

Ug laing duha usab ka mga kriminal gidala aron patyon uban kaniya.

Cross References

Isaias 53:12

Tungod niini hatagan nako siya ug usa ka bahin uban sa bantogan, ug siya magbahin sa inilog uban sa kusgan; tungod kay iyang gibubo ang iyang kalag ngadto sa kamatayon, ug giisip uban sa mga malapason; bisan pa niini gipas-an niya ang sala sa daghan ug naghimo ug pagpangamuyo alang sa mga malapason.

Mateo 27:38

Ug dihay duha ka tulisan nga gilansang sa krus tupad kaniya, usa sa iyang tuo ug usa sa iyang wala.

Marcos 15:27

Ug uban kaniya dihay duha ka tulisan nga ilang gipanglansang sa krus, ang usa sa iyang tuo ug usa sa iyang wala.

Lucas 22:37

Kay sultihan ko kamo, nga dinhi kanako kinahanglang matuman kining bahina sa kasulatan nga nag-ingon, ‘Ug siya giisip nga kauban sa mga malapason,’ kay ang nasulat mahitungod kanako adunay katumanan.”

Lucas 23:31

Kon ila kining buhaton sa diha nga ang kahoy buhi pa, unsa man kahay mahitabo sa diha nga kini laya na?”

Juan 19:18

Ug didto gilansang nila siya sa krus ug uban kaniya duha pa ka tawo, ang matag usa sa isigkakilid ug si Jesus sa taliwala nila.

2 Timoteo 2:9

nga tungod niini ako nag-antos bisan ngadto sa pagkaginapos sama sa usa ka tigbuhat ug daotan. Apan ang pulong sa Dios dili ginapos.

Mga Hebreo 12:2

nga magtutok kang Jesus, ang nagpasiugda ug ang mohingpit sa atong pagtuo. Tungod sa kalipay nga gibutang sa iyang atubangan, giantos niya ang krus sa walay pagsapayan sa kaulaw niini ug karon naglingkod siya diha sa tuo sa trono sa Dios.