Lucas 23:25

Ang Biblia 2011

Ug iyang gibuhian ang tawo nga gibilanggo tungod sa pagpanggubot ug sa pagpamatay, apan si Jesus iyang gitugyan ngadto sa ilang pagbuot.

Cross References

Ester 3:11

Ug ang hari miingon kang Haman, “Ang salapi gihatag kanimo, ang katawhan usab, aron buhaton ngadto kanila ang gituohan mong maayo alang kanimo.”

Mateo 27:26

Busa iyang gibuhian si Barabas alang kanila ug human niya pabunali si Jesus, iyang gitugyan siya aron ilansang sa krus.

Marcos 15:15

Busa si Pilato nga nagtinguha sa pagpahimuot sa panon sa katawhan, mibuhi kang Barabas alang kanila ug human niya ipalatigo si Jesus, gitugyan niya siya aron ilansang sa krus.

Lucas 23:2

Sila misugod sa pagsumbong batok kaniya, nga nag-ingon, “Kining tawhana among nakita nga nagpahisalaag sa atong nasod, ug nagdili kanamo sa paghatag ug buhis kang Cesar, ug nag-ingon nga siya si Cristo, usa ka hari.”

Lucas 23:24

Busa si Pilato mipakanaog sa iyang hukom nga itugot ang ilang gipangayo.

Lucas 23:26

Samtang gidala nila siya sa gawas, ilang gidakop si Simon nga taga-Cirene nga miabot gikan sa balangay, ug ilang gibutang kaniya ang krus aron pas-anon sunod kang Jesus.

Lucas 23:5

Apan namugos sila nga nag-ingon, “Iyang gigubot ang mga tawo sa iyang pagtudlo kanila sa tibuok Judea, gikan sa Galilea hangtod pa gani dinhing dapita.”

Juan 18:40

Ug sila naninggit pag-usab nga miingon, “Dili kanang tawhana, kondili si Barabas!” Apan kini si Barabas usa ka tulisan.

Juan 19:16

Busa gitugyan niya si Jesus ngadto kanila aron ilansang sa krus.

Mga Buhat 3:14

Apan inyong gilimod ang Balaan ug Matarong, ug inyong gipangayo nga maoy buhian alang kaninyo ang usa ka mamumuno,

1 Samuel 12:13

Tan-awa ang hari nga inyong gipili, nga inyong gipangayo, tan-awa, ang Ginoo nagbutang ug usa ka hari ibabaw kaninyo.