Lucas 23:22

Ang Biblia 2011

Ug siya miingon kanila sa ikatulong higayon, “Kay ngano man, unsa bay iyang nabuhat nga daotan? Wala akoy nakitang sala kaniya nga angay sa kamatayon, busa ipakastigo nako siya ug buhian.”

Cross References

Lucas 23:14

ug miingon siya kanila, “Gidad-an ninyo ako niining tawhana sa sumbong nga siya nagpahisalaag sa mga tawo. Ug human nako siya masukitsukit sa inyong atubangan, wala nako makita nga siya sad-an sa inyong mga gisumbong batok kaniya.

Lucas 23:16

busa akong ipakastigo siya ug unya buhian.”

Lucas 23:20

Ug si Pilato misulti kanila pag-usab, nga nagtinguha sa pagbuhi kang Jesus,

Lucas 23:21

apan sila misinggit nga nag-ingon, “Ilansang siya, ilansang siya sa krus!”

Lucas 23:23

Apan mapugsanon silang nangayo uban ang kusog nga singgit nga kinahanglang ilansang siya sa krus. Ug ang ilang mga tingog natuman.

Lucas 23:4

Ug si Pilato miingon sa mga pangulong pari ug sa pundok sa katawhan, “Wala akoy nakitang sala niining tawhana.”

1 Pedro 1:19

kondili pinaagi sa bililhong dugo ni Cristo, sama sa dugo sa nating karnero nga walay buling o mansa.

1 Pedro 3:18

Kay si Cristo usab namatay sa makausa tungod sa mga sala, ang matarong alang sa mga dili matarong, aron kamo iyang madala ngadto sa Dios, ingon nga gipatay siya diha sa lawas apan gibuhi diha sa espiritu.