Lucas 22:48

Ang Biblia 2011

Apan si Jesus miingon kaniya, “Judas, inubanan ba diay ug halok ang imong pagbudhi sa Anak sa Tawo?”

Cross References

Salmo 55:21

Ang iyang pagpanulti hapsay pa sa mantikilya, apan gubat ang anaa sa iyang kasingkasing; ang iyang mga pulong lumo pa sa lana, apan diay inandam nga mga espada.

Mga Panultihon 27:6

Kasaligan ang mga samad sa usa ka higala; naghingapin ang mga halok sa usa ka kaaway.

Lucas 22:47

Ug samtang nagsulti pa siya, miabot ang usa ka panon sa katawhan, ug ang tawo nga ginganlan ug Judas nga usa sa napulo ug duha nag-una kanila. Miduol siya kang Jesus aron mohalok kaniya.

Lucas 22:49

Ug sa dihang sila nga didto libot kaniya, nakakita sa unsay sunod nga mahitabo, miingon kaniya, “Ginoo, ipanigbas ba namo ang espada?”