Lucas 22:33

Ang Biblia 2011

Ug si Pedro miingon kaniya, “Ginoo, andam ako sa pag-unong kanimo sa bilanggoan ug sa kamatayon.”

Cross References

Mga Panultihon 28:26

Siya nga nagsalig sa iyang kaugalingong kasingkasing usa ka buangbuang, apan siya nga naglakaw sa kaalam ipalingkawas.

Jeremias 10:23

Nasayod ako, O Ginoo, nga ang dalan sa tawo wala diha sa iyang kaugalingon, nga wala diha sa tawo nga molakaw aron sa pagtultol sa iyang mga lakang.

Jeremias 17:9

Ang kasingkasing malimbongon labaw sa tanang mga butang, ug hilabihan gayod ka daotan; kinsay makasabot niini?

Mateo 20:22

Apan mitubag si Jesus nga nag-ingon, “Wala kamo mahibalo sa inyong gipangayo. Makahimo ba kamo sa pag-inom sa kupa nga akong imnan?” Ug sila mitubag kaniya, “Makahimo kami.”

Marcos 14:29

Ug si Pedro miingon kaniya, “Bisan pa kon manibog ang tanan, ako dili gayod.”

Marcos 14:31

Apan siya miingon nga mainiton gayod, “Kon kinahanglan man nga mamatay ako uban kanimo, dili ko gayod ikaw ilimod.” Ug silang tanan misulti ug sama niini.

Lucas 22:34

Si Jesus mitubag kaniya, “Sultihan ko ikaw, Pedro, nga karong adlawa ang manok dili motuktugaok hangtod nga ilimod nimo sa makatulo nga ikaw nakaila kanako.”

Lucas 22:57

Apan kini gilimod niya nga nag-ingon, “Babaye, wala ako makaila kaniya.”

Juan 13:38

Ug si Jesus mitubag kaniya, “Itahan ba nimo ang imong kinabuhi alang kanako? Sa pagkatinuod gayod, sultihan ko ikaw nga ang manok dili motuktugaok hangtod nga ikalimod nimo ako sa makatulo.

Mga Buhat 21:13

Unya siya mitubag, “Unsa ba kining inyong gibuhat nga naghilak man kamo ug nagsamad sa akong kasingkasing? Andam ako dili lamang sa pagpabilanggo, kondili bisan sa pagpakamatay didto sa Jerusalem tungod sa ngalan sa Ginoong Jesus.”