Lucas 22:31

Ang Biblia 2011

“Simon, Simon, tan-awa! Si Satanas nangayo nga kamo iyang ayagon sama sa trigo,

Cross References

Isaias 28:28

Ang trigo galingon alang sa pan, apan ang usa ka tawo dili maggiok niini hangtod sa kahangtoran, bisan ug ang karomata ug ang kabayo paagion ibabaw niini, dili siya makapulpog niini.

Amos 9:9

“Kay tan-awa, ako magsugo ug uyogon nako ang balay sa Israel taliwala sa tanang mga nasod sama sa usa ka tawo nga mag-uyog sa ayagan, apan walay bisan usa ka lugas nga matagak sa yuta.

Zacarias 3:1

Unya iyang gipakita kanako si Josue, ang labawng pangulong pari nga nagtindog sa atubangan sa anghel sa Ginoo, ug si Satanas nga nagtindog dapit sa iyang tuo nga kamot aron sa pagsumbong kaniya.

Mateo 26:30

Human sila makaawit ug alawiton, nangadto sila sa Bungtod sa mga Olibo.

Mateo 4:10

Unya si Jesus miingon kaniya, “Pahawa, Satanas! Kay nasulat kini, ‘Maoy simbaha ang Ginoo nga imong Dios, ug siya lamang ang alagara.’ ”

Lucas 10:41

Apan ang Ginoo mitubag kaniya, “Marta, Marta, naguol ug nasamok ikaw sa daghang mga butang.

Mga Buhat 9:4

Ug natumba siya sa yuta ug nakadungog ug tingog nga nag-ingon kaniya, “Saulo, Saulo, nganong gilutos nimo ako?”

1 Mga Taga-Corinto 5:5

itugyan ninyo kanang tawhana ngadto kang Satanas aron malaglag ang iyang lawas, aron maluwas ang iyang espiritu unya sa adlaw sa Ginoo.

2 Mga Taga-Corinto 2:11

aron dili kita pahimuslan ni Satanas kay kita nahibalo man sa iyang mga pamaagi.

1 Pedro 5:8

Pagmaigmat, pagbantay kanunay. Ang inyong kaaway nga mao ang yawa naglibotlibot sama sa liyon nga nagngulob ug nangita ug iyang matukob.

Gipadayag 12:10

Ug usa ka kusog nga tingog didto sa langit akong nadungog nga nag-ingon, “Karon miabot na ang kaluwasan ug ang gahom ug ang gingharian sa atong Dios ug ang kagahom sa iyang Cristo, kay gikatambog na ang tigsumbong batok sa atong kaigsoonan, siya nga sa adlaw ug sa gabii mao ang nagsumbong batok kanila sa atubangan sa atong Dios.