Lucas 22:18

Ang Biblia 2011

kay sultihan ko kamo nga sukad karon dili na ako moinom sa gikan sa bunga sa paras hangtod nga moabot ang gingharian sa Dios.”

Cross References

Salmo 104:15

ug sa bino nga makalipay sa kasingkasing sa tawo, lana nga makapasinaw sa iyang nawong, ug pan nga makapalig-on sa kasingkasing sa tawo.

Awit sa mga Awit 5:1

Mianhi ako sa akong tanaman, igsoon ko, akong pangasaw-onon, gitigom nako ang akong mira uban ang akong panakot, gikaon nako ang akong udlan uban ang sa akong dugos giinom nako ang akong bino uban ang akong gatas. Pangaon kamo, O mga higala, ug panginom; daghana pag-inom, O mga hinigugma.

Isaias 25:6

Niining bukira ang Ginoo sa mga panon maghimo alang sa tanang mga katawhan ug usa ka kasaulogan sa tambok nga mga butang, usa ka kasaulogan sa mga maayong bino, sa mga butang nga tambok nga puno sa uyok, sa maayong bino nga pinalugdang nga maayong pagkasala.

Isaias 55:1

“Kamong tanan nga giuhaw, dali ngari sa katubigan; ug siya nga walay salapi, dali, palit, ug kaon! Dali, palit ug bino ug gatas nga walay salapi ug walay bayad.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Zacarias 9:15

Ang Ginoo sa mga panon manalipod kanila ug lamyon nila ug tamakan ang mga tiglambuyog; ug imnom nila ang ilang dugo sama sa bino; ug sila mangapuno ingon sa mga panaksan, mahumod sama sa mga ngilit sa halaran.

Zacarias 9:17

Kay pagkamaayo ug pagkaanindot gayod niini! Ang trigo magpalambo sa mga batan-ong lalaki, ug ang bag-ong bino sa mga batan-ong babaye.

Mateo 16:18

Ug sultihan ko ikaw, nga ikaw mao si Pedro ug sa ibabaw niining bato tukoron nako ang akong iglesia ug ang mga ganghaan sa Hades dili gayod makabuntog niini.

Mateo 26:29

Sultihan ko kamo, dili na ako moinom pag-usab niini gikan sa bunga sa paras hangtod niadtong adlaw nga moinom ako niini nga bag-o uban kaninyo sa gingharian sa akong Amahan.”

Marcos 14:23

Unya mikuha siya ug kupa, ug sa nakapasalamat na siya, iya kining gihatag kanila ug nanginom silang tanan niini.

Marcos 14:25

Sa pagkatinuod, sultihan ko kamo nga dili na ako moinom pag-usab niining gikan sa bunga sa paras hangtod niadtong adlawa nga imnon nako kini nga bag-o didto sa gingharian sa Dios.”

Marcos 15:23

Unya gihatagan nila siya ug bino nga sinagolan ug mira apan wala niya kini dawata.

Marcos 9:1

Ug siya miingon kanila, “Sa pagkatinuod, sultihan ko kamo, nga adunay pipila dinhi nga nagbarog karon nga dili makatilaw ug kamatayon hangtod nga makita nila ang gingharian sa Dios nga moabot uban sa gahom.”

Lucas 21:31

Sa samang paagi, sa pagkakita ninyo niining mga butang nga mahitabo, inyong mahibaloan nga nagkaduol na ang gingharian sa Dios.

Lucas 22:16

kay sultihan ko kamo, nga dili na ako mokaon niini hangtod nga matuman na kini didto sa gingharian sa Dios.”

Lucas 9:27

Apan sa pagkatinuod sultihan ko kamo, adunay mga nagbarog karon dinhi nga dili makatilaw ug kamatayon sa dili pa sila makakita sa gingharian sa Dios.”

Mga Taga-Colosas 1:13

Siya mao ang nagluwas kanato gikan sa gahom sa kangitngit ug nagbalhin kanato ngadto sa gingharian sa iyang pinalanggang Anak,

Mga Maghuhukom 9:13

Apan ang paras miingon kanila, ‘Biyaan ba nako ang akong bino nga makalipay sa Dios ug sa mga tawo ug moadto aron sa paglubaylubay ibabaw sa mga kahoy?’