Lucas 21:37

Ang Biblia 2011

Ug sa matag-adlaw nagtudlo siya sulod sa templo, apan sa gabii molakaw siya aron sa pagpahulay diha sa bungtod nga ginganlan ug Olibo.

Cross References

Zacarias 14:4

Nianang adlawa, ang iyang mga tiil motindog diha sa Bukid sa mga Olibo nga anaa atbang sa Jerusalem sa silangan, ug ang Bukid sa mga Olibo mapikas gikan sa silangan ug ngadto sa kasadpan pinaagi sa dako kaayong walog, nga tungod niana ang katunga sa bukid mosibog ngadto sa amihanan ug ang laing katunga ngadto sa habagatan.

Mateo 21:1

Ug sa dihang duol na sila sa Jerusalem ug miabot na sa Betfage, sa Bungtod sa mga Olibo, si Jesus nagsugo ug duha ka tinun-an

Mateo 21:17

Ug gibiyaan niya sila ug migula siya sa siyudad paingon sa Betania ug nagpabilin siya didto.

Mateo 26:30

Human sila makaawit ug alawiton, nangadto sila sa Bungtod sa mga Olibo.

Mateo 26:55

Ug niadtong tungora si Jesus miingon sa panon sa katawhan, “Nanganhi ba kamo nga daw batok ug usa ka tulisan, nga magdala man kamo ug mga espada ug mga puspos? Adlaw adlaw akong maglingkod didto sa Templo nga nagtudlo ug wala ninyo ako dakpa didto.

Marcos 11:12

Sa pagkasunod adlaw, sa naglakaw sila gikan sa Betania, si Jesus gigutom.

Marcos 11:19

Ug sa pagkakilomkilom na, sila migula sa siyudad.

Marcos 14:49

Matag adlaw uban ako kaninyo didto sa Templo, nanudlo ako didto ug wala hinuon ninyo ako dakpa. Apan kinahanglan nga matuman ang kasulatan.”

Lucas 19:29

Sa nagkaduol na siya sa Betfage ug sa Betania, sa bungtod nga ginganlan ug Olibo, nagsugo siya ug duha sa iyang mga tinun-an

Lucas 19:37

Sa nagkaduol na siya diha sa lugsonganan sa Bungtod sa mga Olibo, ang tibuok pundok sa mga tinun-an misugod sa paglipay sa pagdayeg sa Dios uban sa kusog nga tingog tungod sa tanang gamhanang buhat nga nakita nila.

Lucas 19:47

Ug siya nagtudlo matag adlaw sulod sa Templo, ug ang mga pangulong pari ug mga eskriba ug ang kadagkoan sa mga katawhan naninguha sa pagpatay kaniya,

Lucas 22:39

Unya migula siya ug miadto sa Bungtod sa mga Olibo, sumala sa iyang nabatasan, ug ang mga tinun-an misunod kaniya.

Juan 12:1

Unom ka adlaw sa wala pa ang Kasaulogan sa Pagsaylo, si Jesus miabot sa Betania, diin didto si Lazaro, ang gibanhaw ni Jesus gikan sa mga patay.

Juan 18:2

Ug si Judas, nga nagbudhi kaniya, nakatultol usab sa maong dapit kay kanunay man si Jesus makigtigom didto uban sa iyang mga tinun-an.

Mga Buhat 1:12

Unya namalik sila sa Jerusalem gikan sa bungtod nga ginganlan ug Olibo nga duol sa Jerusalem, nga ang gilay-on sama sa usa ka adlawng igpapahulay nga lakaw.