Lucas 21:25

Ang Biblia 2011

“Ug aduna unyay mga ilhanan diha sa adlaw ug sa bulan ug sa kabituonan, ug diha sa yuta adunay kagul-anan ang kanasoran, maglibog tungod sa dinahunog sa dagat ug sa mga balod.

Cross References

Salmo 46:3

bisan ang mga tubig niini magdahunog ug magbula; bisan ang mga bukid mangurog tungod sa kagahob niini. Selah

Isaias 13:10

Kay ang mga bituon sa kalangitan ug ang mga pundok sa bituon niini dili mohatag sa ilang kahayag; ang adlaw ngitngit sa iyang pagsubang, ug ang bulan dili mohatag sa iyang dan-ag.

Isaias 17:12

Ah, ang dahunog sa daghang mga katawhan, sila nagdahunog sama sa dinahunog sa kadagatan! Ah, ang kagahob sa mga nasod, sila nagsinggit sama sa kagahob sa gamhanang katubigan.

Isaias 24:23

Unya ang bulan libogon, ug ang adlaw maulaw; kay ang Ginoo sa mga panon maghari didto sa Bukid sa Zion ug sa Jerusalem, ug sa atubangan sa iyang mga kadagkoan, siya magpadayag sa iyang himaya.

Isaias 5:30

Magngulob sila batok kanila nianang adlawa sama sa dinahunog sa dagat. Ug kon adunay usa nga molantaw sa yuta, makita nila ang kangitngit ug kasub-anan, ug ang kahayag mangitngitan tungod sa mga panganod niini.

Isaias 51:15

Kay ako mao ang Ginoo nga imong Dios, nga nagkutaw sa dagat aron ang mga balod niini magdahunog— si Yahweh sa mga panon mao ang iyang ngalan.

Jeremias 4:23

Mitan-aw ako sa yuta, ug akong nakita nga kini awaaw ug haw-ang; ug ngadto sa kalangitan, ug kini walay kahayag.

Daniel 12:1

“Nianang panahona si Michael motungha, ang dakong pangulo nga nagdumala sa imong katawhan. Moabot ang panahon sa kasamok nga wala pa gayod mahitabo sukad nga adunay usa ka nasod hangtod nianang panahona, apan nianang panahona luwason ang imong katawhan, ang tanan nga ang ngalan makita diha sa basahon.

Miqueas 7:4

Ang labing maayo kanila sama sa sampinit, ang labing matarong kanila tanom nga tunokon. Ang adlaw sa ilang mga tigbantay, sa ilang silot miabot na; ug ang ilang pagkalibog anaa na.

Mateo 24:29

“Dihadiha inigkatapos sa kalisdanan niadtong mga adlawa, ang adlaw mongitngit, ug ang bulan dili na mohatag ug kahayag, ug ang mga bituon mangatagak gikan sa langit ug matay-og ang mga gahom sa kalangitan.

Mateo 27:45

Sukad sa udtong tutok mingitngit ang tibuok yuta hangtod sa ikatulo nga takna sa hapon. ikasiyam nga takna.

Marcos 13:24

“Apan nianang mga adlawa, human sa maong kasakitan ang adlaw mongitngit ug ang bulan dili na mohatag sa iyang kahayag,

Marcos 13:26

Makita unya ang Anak sa Tawo nga magsingabot nga sinapwang sa mga panganod uban sa dakong gahom ug himaya.

Marcos 15:33

Sa pag-abot sa udtong tutok, dihay kangitngit sa tibuok kayutaan hangtod sa ikatulo nga takna.

Lucas 21:24

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Lucas 21:26

Ang mga tawo panguyapan sa kahadlok ug sa pagpaabot sa mahitabo sa kalibotan, kay mauyog man unya ang mga gahom sa kalangitan.

Mga Buhat 2:19

Ug sa itaas ako magpakita ug mga kahibulongan diha sa langit, ug sa ubos ang mga ilhanan diha sa yuta, dugo, ug kalayo, ug gabon nga aso.

Gipadayag 20:11

Unya nakita nako ang usa ka dakong trono nga puti ug ang naglingkod niini, gikan sa iyang atubangan mipahawa ang yuta ug ang langit, ug walay dapit nga nakaplagan alang kanila.