Lucas 21:24

Ang Biblia 2011

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Cross References

Genesis 34:26

Si Hamor ug si Sekem nga iyang anak nga lalaki gipatay nila pinaagi sa espada ug gikuha nila si Dina sa balay ni Sekem ug mipalayo sila.

Exodo 17:13

Ug gibuntog ni Josue ang Amalek ug ang katawhan niini pinaagi sa sulab sa espada.

Isaias 5:5

Ug karon sultihan ko ikaw kon unsay akong buhaton sa akong parasan. Kuhaon nako ang koral niini ug kini lamyon; bungkagon nako ang paril niini, ug kini tamakan.

Isaias 63:18

Ang imong balaan nga katawhan nanag-iya sa imong balaang dapit sa mubong panahon; ang among mga kabatok nagyatak niini.

Isaias 66:12

Kay mao kini ang giingon sa Ginoo: “Tan-awa, ako mohatag ug kauswagan ngadto kaniya sama sa usa ka suba, ug ang bahandi sa mga nasod sama sa usa ka suba nga nag-awas; ug kamo magsuso niini; kamo kugoson diha sa iyang mga bat-ang, ug yugyogon diha sa mga tuhod.

Isaias 66:19

ug magbutang ako ug ilhanan taliwala kanila. Ug gikan kanila ako magpadala ug pipila sa mga nahibilin ngadto sa mga nasod, sa Tarsis, sa Put, ug sa Lud nga naggamit sa pana, ngadto sa Tubal ug sa Javan, ngadto sa mga pulo nga layo, nga wala makadungog sa akong kabantog o makakita sa akong himaya; ug sila magpahayag sa akong himaya taliwala sa kanasoran.

Mga Pagbangotan 1:15

“Gitamakan sa Ginoo ang tanan nakong kusgan nga mga tawo diha sa akong atubangan; siya nagpatawag ug tigom batok kanako aron sa pagdugmok sa akong mga batan-ong lalaki; ang Ginoo nagtamak sa anak nga ulay sa Juda sama sa pagtamak diha sa pug-anan.

Daniel 12:7

Ang tawo nga nagsul-ob ug lino nga didto ibabaw sa katubigan sa suba mibayaw sa iyang tuo nga kamot ug sa iyang wala nga kamot paingon sa langit, ug nadungog nako siya nga nanumpa pinaagi kaniya nga buhi hangtod sa kahangtoran, nga kini mahitabo sa usa ka panahon, duha ka panahon ug katunga sa panahon, ug sa diha nga ang pagbungkag sa gahom sa balaan nga katawhan moabot sa kataposan, kining tanang mga butang matuman.

Daniel 8:13

Unya nakadungog ako ug usa ka balaan nga nagsulti ug dihay lain nga balaan nga miingon ngadto sa usa nga nagsulti, “Hangtod kanus-a ang panan-awon mahitungod sa nagpadayon nga halad nga sunogon, ang kalapasan nga naglumpag, ug ang pagtugyan sa balaang dapit ug sa panon aron yatakan?”

Daniel 9:27

Siya maghimo ug lig-on nga kasabotan uban sa daghan sulod sa pito ka tuig, ug sa katunga sa pito ka tuig iyang pahunongon ang mga paghalad, ug ibabaw sa pako sa mga dulumtanan moabot ang maglumpag hangtod nga ang gitakda nga kataposan ibubo ngadto sa tiggun-ob.”

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Lucas 21:25

“Ug aduna unyay mga ilhanan diha sa adlaw ug sa bulan ug sa kabituonan, ug diha sa yuta adunay kagul-anan ang kanasoran, maglibog tungod sa dinahunog sa dagat ug sa mga balod.

Roma 11:25

Mga igsoon, basin unya ug magpakamaalamon kamo sa inyong kaugalingon busa buot nakong makasabot kamo niining maong misteryo: ang kagahi miabot sa usa ka bahin sa Israel hangtod sa panahon nga ang pagkahingpit sa mga Gentil moabot na,

Mga Hebreo 11:34

gipalong nila ang bangis nga kalayo, nakaikyas sila sa sulab sa espada, nalig-on gikan sa kahuyang, nangahimo sila nga kusgan diha sa panggubatan, ilang gipatibulaag ang mga kasundalohang langyaw.

Gipadayag 11:2

apan ayaw sukda ang hawanan sa gawas sa Templo. Pasagdi kana, kay gikatugyan na kana ngadto sa kanasoran, ug ang balaang siyudad ilang yatakyatakan sulod sa kap-atan ug duha ka bulan.