Lucas 21:19

Ang Biblia 2011

Pinaagi sa inyong pagkamalahutayon, maangkon ninyo ang inyong mga kinabuhi.

Cross References

Salmo 37:7

Paghilom diha sa Ginoo ug paghulat nga mapailobon kaniya; ayaw kaguol tungod kaniya nga nagmauswagon sa iyang dalan, tungod sa tawo nga naghimo ug daotan nga mga laraw.

Salmo 40:1

Naghulat ako nga mapailobon sa Ginoo; siya namati kanako ug gidungog ang akong pagtuaw.

Habacuc 3:16

Nakabati ako, ug mikurog ang akong lawas, ang akong mga ngabil mikurog sa pagkabati sa tingog; ang pagkadunot misulod sa akong kabukogan, nagkurogkurog ang akong mga lakang. Magpaabot lamang ako sa hilom alang sa adlaw sa kasamok sa pag-abot ngadto sa katawhan nga mosulong kanamo.

Mateo 10:22

Dumtan kamo sa tanang tawo tungod sa akong ngalan. Apan ang molahutay hangtod sa kataposan maluwas.

Mateo 24:13

Apan ang molahutay hangtod sa kataposan maluwas.

Lucas 8:15

Apan kadtong diha sa maayong yuta, mao kadto sila nga sa ilang pagkadungog sa pulong misagop niini uban sa matinud-anon ug maayong kasingkasing, ug namunga uban ang pailob.

Roma 15:4

Kay bisan unsay nasulat kaniadto, gisulat alang sa pagtudlo kanato aron nga pinaagi sa pailob ug pinaagi sa pagdasig gikan sa kasulatan, makabaton unta kita ug paglaom.

Roma 2:7

kinabuhing dayon alang niadtong nangita sa himaya ug sa kadungganan ug sa pagkadili madunoton pinaagi sa paglahutay diha sa maayong buhat,

Roma 5:3

Labaw pa niini, nagmalipayon kita bisan sa atong mga kasakit, kay nasayod man kita nga ang pag-antos mobunga ug pagkamalahutayon,

Roma 5:4

ug ang pagkamalahutayon mobunga ug kalig-on, ug ang kalig-on mobunga ug paglaom,

Roma 8:25

Apan kon maglaom kita alang sa butang nga wala makita, magpaabot kita niini uban sa pagpailob.

1 Mga Taga-Tesalonica 1:3

naghinumdom sa inyong buhat sa pagtuo ug pangabudlay sa gugma ug sa malahutayong paglaom diha sa atong Ginoong Jesu-Cristo atubangan sa Dios ug Amahan nato.

2 Mga Taga-Tesalonica 3:5

Hinaot unta nga ang Ginoo magtultol sa inyong kasingkasing ngadto sa gugma sa Dios ug ngadto sa pagkamalahutayon ni Cristo.

Mga Hebreo 10:36

Kay kamo nagkinahanglan ug pailob, aron kamo makatuman sa kabubut-on sa Dios ug makadawat sa gisaad.

Mga Hebreo 6:11

Ug maoy among gipanghinaot nga unta ang matag usa kaninyo, hangtod sa kataposan, magpakita sa samang paningkamot sa pagkab-ot sa hingpit nga kasigurohan sa paglaom,

Mga Hebreo 6:15

Busa siya nga mapailobon nakakab-ot gayod sa gisaad.

Santiago 1:3

kay nasayod man kamo nga ang pagsulay sa inyong pagtuo mosangpot sa pagkamalahutayon.

Santiago 1:4

Ug kinahanglan nga ang pagkamalahutayon maghingpit sa iyang buhat aron kamo mahingpit ug masangkap nga walay makulang.

2 Pedro 1:6

ug sa kahibalo ang pagpugong sa kaugalingon, ug sa pagpugong sa kaugalingon ang pagkamalahutayon, ug sa pagkamalahutayon ang pagkadiosnon,

Gipadayag 1:9

Ako, si Juan, ang inyong igsoon ug nakig-ambit uban kaninyo sa kasakit ug sa gingharian ug sa paglahutay diha kang Jesus. Ako didto sa pulo nga gitawag ug Patmos tungod sa pulong sa Dios ug sa pagpamatuod mahitungod kang Jesus.

Gipadayag 13:10

Kon adunay bihagonon, sa pagkabihag mahiadto siya; kon adunay patyonon pinaagi sa espada, pinaagi sa espada patyon gayod siya. Mao kini ang paglahutay ug pagtuo sa mga balaan.

Gipadayag 14:12

Mao kini ang paglahutay sa mga balaan, sa mga nagtuman sa kasugoan sa Dios ug sa pagtuo kang Jesus.

Gipadayag 3:10

Tungod kay gituman man nimo ang akong pulong sa pagkamalahutayon, bantayan ko ikaw nga malikay gikan sa takna sa pagsulay nga hapit na moabot sa tibuok kalibotan aron sa pagsulay sa mga nagpuyo sa yuta.