Lucas 21:12

Ang Biblia 2011

Apan sa dili pa mahitabo kining tanan, ila kamong dakpon ug lutoson, itugyan kamo ngadto sa mga sinagoga ug sa mga bilanggoan, ug kamo dad-on ngadto sa atubangan sa mga hari ug sa mga gobernador tungod sa akong ngalan.

Cross References

Mateo 22:6

samtang ang uban midakop sa iyang mga ulipon ug mipakaulaw ug mipatay kanila.

Mateo 24:8

Apan kining tanan sinugdanan lamang sa mga kasakit.

Lucas 21:11

Mahitabo ang kusog nga mga linog, ug sa nagkalainlaing mga dapit adunay mga gutom ug mga kamatay, ug unya may mga makalilisang nga butang ug dagkong mga ilhanan gikan sa langit.

Juan 15:20

Hinumdomi ang pulong nga akong gisulti kaninyo, ‘Ang ulipon dili labaw sa iyang agalon.’ Kon sila naglutos kanako, sila maglutos usab kaninyo. Kon sila nagtuman sa akong pulong, sila motuman usab sa inyong pulong.

Juan 15:21

Apan kining tanan ilang buhaton kaninyo tungod sa akong ngalan kay sila wala man makaila kaniya nga nagpadala kanako.

Mga Buhat 22:30

Apan kay nagtinguha man gayod siya nga mahibalo sa tinuod nga hinungdan nganong gisumbong si Pablo sa mga Judio, gibadbaran niya kini sa pagkasunod nga adlaw ug nagsugo sa pagpatigom sa mga pangulong pari ug sa tibuok Sanhedrin, ug iyang gipakanaog si Pablo ug gipaatubang kanila.

Mga Buhat 5:40

Busa sila mipatuo sa iyang tambag, ug sa natawag na nila ang mga apostoles, gipalatos nila sila ug gipahimangnoan nga dili na gayod mosulti pinaagi sa ngalan ni Jesus, ug gibuhian sila.

Mga Buhat 8:3

Apan si Saulo mibungkag sa iglesia, misulod sa kabalayan, gidakop niya ang mga lalaki ug mga babaye ug gibalhog sila sa bilanggoan.

Mga Buhat 9:4

Ug natumba siya sa yuta ug nakadungog ug tingog nga nag-ingon kaniya, “Saulo, Saulo, nganong gilutos nimo ako?”

1 Pedro 2:13

Tungod ug alang sa Ginoo, magpailalom unta kamo sa tanang tawhanong pagbuot, sa hari ingon nga maoy labaw sa tanan,

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.