Lucas 21:1

Ang Biblia 2011

Si Jesus mitan-aw ug iyang nakita ang mga adunahan nga nanghulog sa ilang mga halad ngadto sa sudlanan sa salapi.

Cross References

1 Mga Hari 14:26

Iyang gikuha ang mga bahandi sa balay sa Ginoo, ug ang mga bahandi sa balay sa hari iyang gikuha ang tanan. Iya usab nga gikuha ang tanang mga taming nga bulawan nga gibuhat ni Solomon.

2 Mga Hari 12:9

Unya ang pari nga si Jehoiada, mikuha ug usa ka kahon ug gilungagan ang takob niini ug gibutang kini tupad sa halaran, sa tuong bahin niadtong mosulod ngadto sa balay sa Ginoo. Ug ang mga pari nga nagbantay sa pultahan mibutang sa tanang salapi nga gidala ngadto sa balay sa Ginoo.

2 Mga Hari 24:13

Ug iyang gidala gikan didto ang tanan nga mga bahandi sa balay sa Ginoo ug ang mga bahandi sa balay sa hari, ug gidugmok ang tanan nga mga sudlanan nga bulawan nga diha sa Templo sa Ginoo nga gibuhat ni Solomon nga hari sa Israel sumala sa gisulti nang daan sa Ginoo.

2 Cronicas 36:18

Ang tanang mga kagamitan sa balay sa Dios, dagko ug gagmay, ug ang mga bahandi sa balay sa Ginoo ug ang mga bahandi sa hari ug sa iyang mga pangulo, kining tanan iyang gidala ngadto sa Babilonia.

Nehemias 13:13

Ug akong gitudlo ingon nga mamahandi nga mag-atiman sa mga tipiganan sa mga bahandi si Selemias nga pari, si Zadok nga eskriba ug si Pedaias sa mga Levihanon, ug ingon nga ilang kaabag, si Hanan nga anak ni Zacur nga anak ni Matanias, kay sila giisip nga kasaligan ug ang ilang katungdanan mao ang pag-apod-apod ngadto sa ilang mga kaigsoonan.

Mateo 27:6

Apan ang mga pangulong pari, sa dihang gipunit nila ang mga salapi nga plata, miingon, “Dili uyon sa balaod ang pagbutang niini diha sa panudlanan kay bayad kini sa dugo.”

Lucas 20:47

Sila naglamoy sa mga balay sa mga biyuda, ug aron gayod ingnon, naghimo sila ug tag-as nga mga pag-ampo. Madawat ra unya nila ang labaw pa ka bug-at nga hukom.”

Juan 8:20

Kining mga pulonga gisulti ni Jesus didto sa panudlanan sa salapi nga hinalad samtang nagtudlo siya sulod sa Templo. Apan walay midakop kaniya kay wala pa man moabot ang iyang takna.

Josue 6:19

Apan ang tanang plata ug bulawan ug ang tanang sudlanan nga bronsi ug puthaw, balaan alang sa Ginoo. Iadto kini sa panudlanan sa Ginoo.”

Josue 6:24

Ug ilang gisunog sa kalayo ang siyudad ug ang tanan nga anaa niini. Ang plata lamang ug bulawan ug ang mga sudlanan nga bronsi ug puthaw maoy ilang gibutang sa panudlanan sa balay sa Ginoo.