Lucas 20:46

Ang Biblia 2011

“Pagbantay kamo sa mga eskriba nga gustong maglakawlakaw nga magsul-ob ug tag-as nga mga bisti ug mahigugma sa mga pagyukbo kanila diha sa mga merkado, ug sa mga labing maayong lingkoranan sulod sa mga sinagoga ug sa mga pinasidunggang lingkoranan diha sa mga kombira.

Cross References

Mga Panultihon 29:23

Ang garbo sa tawo magdala kaniya ngadto sa ubos, apan siya nga mapaubsanon sa espiritu makabaton ug kadungganan.

Mateo 16:6

Unya si Jesus miingon kanila, “Bantayi ug likayi ninyo ang patubo sa pan nga ila sa mga Pariseo ug sa mga Saduceo.”

Mateo 23:1

Unya si Jesus miingon sa mga panon sa katawhan ug sa iyang mga tinun-an,

Marcos 8:15

Ug sila gipasidan-an niya nga nag-ingon, “Tan-awa, ug pagbantay kamo sa patubo sa pan sa mga Pariseo ug sa patubo sa pan ni Herodes.”

Lucas 11:43

Alaot kamong mga Pariseo, kay gihigugma ninyo ang labing maayong lingkoranan sa mga sinagoga ug ang mga pagtahod kaninyo sa mga tawo diha sa mga merkado.

Lucas 12:1

Sa maong higayon, sa nagkatigom ang linibo sa mga panon sa katawhan nga tungod niana nagkatinumbanay sila, si Jesus misugod sa pagsulti ngadto una sa iyang mga tinun-an, “Pagbantay kamo sa patubo sa pan sa mga Pariseo nga mao ang pagpakaaron-ingnon.

Lucas 14:7

Unya misugilon siya kanila ug usa ka sambingay sa dihang iyang napanid-an nga ang mga dinapit nagpili sa pinasidunggang mga dapit sa kan-anan. Siya miingon,

Lucas 20:47

Sila naglamoy sa mga balay sa mga biyuda, ug aron gayod ingnon, naghimo sila ug tag-as nga mga pag-ampo. Madawat ra unya nila ang labaw pa ka bug-at nga hukom.”

Roma 12:10

Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.

2 Timoteo 4:15

Kinahanglan usab nga ikaw magbantay kaniya kay dako ang iyang pagsupak sa atong mga pulong.

3 Juan 1:9

May gisulat ako nganha sa iglesia, apan si Diotrefes nga buot gayod nga molabaw sa tanan wala moabiabi kanamo.