Lucas 20:21

Ang Biblia 2011

Gipangutana nila siya, “Magtutudlo, kami nahibalo nga ikaw nagsulti ug nagtudlo sa husto, ug walay pinalabi, apan sa pagkatinuod nagtudlo sa dalan sa Dios sumala sa kamatuoran.

Cross References

2 Cronicas 19:7

Busa karon, himoa nga ang pagkahadlok sa Ginoo maanaa kaninyo; pagbantay sa inyong buhaton kay walay pagsukwahi sa hustisya diha sa Ginoo nga atong Dios o pagdapig o pagdawat ug mga suborno.”

Job 34:19

nga dili magpakita ug pagdapig ngadto sa mga pangulo, o magtagad sa mga dato labaw kay sa kabos, kay silang tanan buhat man sa iyang mga kamot?

Salmo 12:2

Ang matag usa nagsulti ug bakak ngadto sa iyang silingan; uban sa ngabil nga nag-ulog-ulog ug sa kasingkasing nga palingpaling, sila nagsulti.

Salmo 55:21

Ang iyang pagpanulti hapsay pa sa mantikilya, apan gubat ang anaa sa iyang kasingkasing; ang iyang mga pulong lumo pa sa lana, apan diay inandam nga mga espada.

Mateo 22:16

Ug gipaadto nila ang ilang mga tinun-an ngadto kaniya kinuyogan sa mga Herodianhon sa pag-ingon, “Magtutudlo, nasayod kami nga ikaw matinud-anon ug nagtudlo sa dalan sa Dios subay sa kamatuoran ug nga ikaw wala magsapayan sa tawo kay wala man ikaw magtan-aw sa panagway sa mga tawo.

Marcos 12:14

Ug sila nangabot ug miingon kaniya, “Magtutudlo, nasayod kami nga ikaw matinud-anon ug wala magsapayan sa tawo kay wala man ikaw magtan-aw sa panagway sa mga tawo, apan nagtudlo sa kamatuoran mahitungod sa dalan sa Dios. Uyon ba sa balaod ang pagbayad ug buhis kang Cesar, o dili?

Lucas 20:20

Ug ilang gibantayan siya, ug gipaadtoan nila ug mga tigpaniid nga nagpakaaron-ingnon nga matarong aron ilang mabitik siya pinaagi sa iyang isulti, aron ilang itugyan siya ngadto sa kagamhanan ug sa pagbuot sa gobernador.

Lucas 20:22

Uyon ba sa balaod alang kanamo ang pagbayad ug buhis kang Cesar, o dili ba?”

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

2 Mga Taga-Corinto 2:17

Kay lahi kami sa kadaghanan nga namaligya sa pulong sa Dios, kondili ingon nga mga tawong matinud-anon, ug ingon nga gikan sa Dios, kami nagsulti sa atubangan sa Dios pinaagi kang Cristo.

Mga Taga-Galacia 1:10

Kay nangdani ba ako karon sa tawo o sa Dios? O nagtinguha ba ako sa pagpahimuot sa mga tawo? Kon nagpahimuot pa gihapon ako sa mga tawo, dili unta ako karon ulipon ni Cristo.

Mga Taga-Galacia 2:6

Ug gikan kanila nga giila nga mga tinamod, (kon unsa sila kaniadto, kana walay bili alang kanako, ang Dios walay tawong pinalabi) kadtong mga gitamod walay bisan unsa nga gikadugang kanako.