Lucas 20:16

Ang Biblia 2011

Iyang adtoon ug patyon ang maong mga saop, ug ang parasan iyang ihatag ngadto sa uban.” Sa pagkadungog nila niini, sila miingon, “Dili unta kana mahitabo!”

Cross References

Mateo 21:34

Ug sa nagsingabot na ang tingpamupo, gipaadto niya ang iyang mga ulipon ngadto sa mga saop aron sa pagdawat sa abot niini.

Mateo 21:41

Sila miingon kaniya, “Patyon gayod niya ang maong mga daotang tawo ug ang parasan iyang pasaopan sa laing mga saop nga mohatag sa abot sa panahon sa tingpamupo.”

Mateo 22:7

Ang hari nasuko ug gipaadtoan niya sila sa iyang mga sundalo ug gipapatay ang maong mga mamumuno ug gipasunog ang ilang siyudad.

Marcos 12:9

Karon, unsa may buhaton sa tag-iya sa parasan? Iyang adtoon ug patyon ang maong mga saop, ug ang parasan ihatag niya ngadto sa uban.

Lucas 19:27

Ug mahitungod niining akong mga kaaway nga dili buot nga ako ang maghari kanila, dad-a sila dinhi ug patya sila sa akong atubangan.’ ”

Lucas 20:15

Ug ilang gilabay siya ngadto sa gawas sa parasan ug gipatay. Busa unsa may buhaton sa tag-iya sa parasan kanila?

Mga Buhat 13:46

Unya si Pablo ug si Bernabe maisogong misulti nga nag-ingon, “Kinahanglan gayod nga ang pulong sa Dios isugilon pag-una kaninyo. Apan kay inyo man kining gisalikway ug gihukman ang inyong kaugalingon nga dili takos sa kinabuhing dayon, tan-awa, moadto kami sa mga Gentil.

Roma 11:1

Busa mangutana ako, gisalikway ba sa Dios ang iyang katawhan? Wala gayod! Ako mismo usa ka Israelinhon, kaliwat ni Abraham, sakop sa banay ni Benjamin.

Roma 11:11

Busa mangutana ako, nangapandol ba sila nga sa ingon mangatumba? Wala gayod! Hinuon tungod sa ilang paglapas ang kaluwasan nahiadto sa mga Gentil aron masina sila.

Roma 3:31

Gisalikway ba nato ang Balaod tungod sa maong pagtuo? Wala gayod! Hinuon gipalig-onan nato ang Balaod.

Roma 3:4

Dili gayod! Matinud-anon gayod ang Dios bisan pa kon bakakon ang tanang tawo ingon sa nasulat, “Aron mamatud-an ikaw nga matarong sa imong mga pulong ug modaog ikaw sa dihang hukman ka.”

Roma 3:6

Dili gayod! Kay sa ingon niana, unsaon pa man sa Dios sa paghukom sa kalibotan?

Roma 6:15

Busa unsa man? Magpakasala ba kita kay dili man kita ilalom sa Balaod kondili ilalom sa grasya? Dili gayod!

Roma 6:2

Dili gayod! Kita nga namatay na ngadto sa sala, unsaon pa man nato sa pagkinabuhi diha niana?

Roma 7:13

Busa nahimo ba diay nga kamatayon kadtong maayo? Dili unta kana mahitabo! Ang sala mao ang naghimo ug kamatayon dinhi sa sulod nako pinaagi sa maayo, aron ang sala ikapadayag ingon nga sala. Ug pinaagi sa kasugoan kini mamatud-an nga hilabihan gayod kangil-ad.

Roma 7:7

Busa unsa may atong isulti? Nga ang Balaod sala? Dili gayod! Gani, kon wala pa ang Balaod, dili unta ako makaila sa sala. Dili unta ako makaila unsay pangibog kon ang Balaod wala pa mag-ingon, “Dili ka mangibog.”

Roma 9:14

Busa unsa may atong ikasulti? Nga ang Dios dili makiangayon? Dili gayod!

1 Mga Taga-Corinto 6:15

Wala ba kamo masayod nga ang inyong lawas mga bahin man ni Cristo? Kuhaon ko ba ang mga bahin ni Cristo aron himoon nga mga bahin sa usa ka babayeng makihilawason? Dili gayod!

Mga Taga-Galacia 2:17

Apan kon sa among pagpaningkamot aron kami himoong matarong diha kang Cristo, kami makaplagan nga mga makasasala usab, alagad ba diay si Cristo sa sala? Dili gayod!

Mga Taga-Galacia 3:21

Ang Balaod supak ba diay sa mga saad sa Dios? Dili gayod! Kay kon may gihatag pa nga balaod nga makapabuhi, ang pagkamatarong mahimong pinaagi gayod unta sa Balaod.

Mga Taga-Galacia 6:14

Apan dili lang unta mahitabo kanako ang pagpasigarbo gawas sa krus sa atong Ginoong Jesu-Cristo, nga pinaagi niini, ang kalibotan gilansang sa krus alang kanako, ug ako alang sa kalibotan.