Lucas 2:7

Ang Biblia 2011

Ug nanganak siya sa iyang panganay nga usa ka lalaki ug iya kining giputos sa mga bakbak ug gipahigda sa pasongan kay wala na may dapit alang kanila sa balay nga abotanan.

Cross References

Genesis 42:27

Ug sa diha nga ang usa kanila miabli sa iyang sako aron sa paghatag ug makaon sa iyang asno didto sa abotanan, nakita niya ang iyang salapi nga diha sa baba sa iyang sako.

Genesis 43:21

Ug sa pag-abot namo sa abotanan, giablihan namo ang among mga sako, ug nakita ang tagsatagsa namo ka salapi diha sa baba sa iyang sako, ang among salapi nga takdo gayod sa timbang. Ug gidala namo kini pag-usab uban kanamo.

Salmo 22:6

Apan ako usa ka ulod, ug dili tawo; giyubit sa mga tawo, ug tinamay sa katawhan.

Exodo 4:24

Didto sa dalan, sa usa ka balay nga abotanan, ang Ginoo misugat kaniya ug nagtinguha sa pagpatay kaniya.

Isaias 7:14

Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.

Mateo 1:25

Apan si Jose wala makighilawas kaniya hangtod nga gipanganak ni Maria ang usa ka bata nga lalaki, ug iyang ginganlan siya ug Jesus.

Mateo 13:55

Dili ba siya mao man ang anak sa panday? Dili ba ang iyang inahan ginganlan ug Maria? Ug dili ba ang iyang mga igsoong lalaki mao man sila si Santiago ug si Jose ug si Simon ug si Judas?

Mateo 8:20

Ug si Jesus miingon kaniya, “Ang mga milo adunay kalubloban ug ang mga langgam sa kalangitan adunay kabatogan apan ang Anak sa Tawo walay dapit nga kapahulayan sa iyang ulo.”

Lucas 10:34

Ug siya miduol kaniya ug gibugkosan ang iyang mga samad, gibuboan ug lana ug bino, unya iyang gipasakay sa iyang hayop ug gidala siya ngadto sa usa ka balay abotanan, ug giatiman niya siya.

Lucas 2:6

Ug samtang didto sila, miabot ang panahon sa iyang pagpanganak.

Lucas 2:8

Niadtong dapita dihay mga tigbantay sa karnero nga didto sa kapatagan, nagpulaw sa pagbantay sa ilang mga hayop.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

2 Mga Taga-Corinto 8:9

Kay kamo nasayod sa grasya sa atong Ginoong Jesu-Cristo, nga bisan tuod siya dato, siya nahimong kabos tungod ug alang kaninyo aron nga pinaagi sa iyang kakabos kamo mahimong dato.

Mga Taga-Galacia 4:4

Apan sa pag-abot na sa tukma nga panahon, ang Dios mipadala sa iyang Anak nga natawo pinaagi sa usa ka babaye, natawo ilalom sa Balaod,