Lucas 2:51

Ang Biblia 2011

Unya siya milugsong uban kanila ug miadto sa Nazaret, ug siya nagmasinugtanon kanila. Ug kining tanan gitipigan sa iyang inahan sulod sa iyang kasingkasing.

Cross References

Genesis 37:11

Ug ang iyang mga igsoon nasina kaniya, apan kini nga pulong gitipigan sa iyang amahan diha sa iyang hunahuna.

Salmo 119:11

Gitipigan nako ang imong pulong sulod sa akong kasingkasing, aron dili ako makasala batok kanimo.

Daniel 7:28

Dinhi natapos ang maong butang. Mahitungod kanako, si Daniel, ang akong mga hunahuna nakapakuyaw pag-ayo kanako, ug nangluspad ang akong nawong; apan akong gitagoan ang maong butang sulod sa akong hunahuna.

Mateo 12:46

Samtang nagsulti pa siya sa katawhan, ang iyang inahan ug ang iyang mga igsoong lalaki nagtindog didto sa gawas, buot makigsulti kaniya. [

Mateo 3:15

Apan si Jesus mitubag kaniya, “Itugot kini karon kay angay kanato ang pagtuman sa tibuok nga pagkamatarong.” Ug siya mitugot kaniya.

Marcos 1:9

Niadtong mga adlawa miabot si Jesus gikan sa Nazaret sa Galilea ug siya gibautismohan ni Juan didto sa Jordan.

Marcos 6:3

Dili ba siya mao man ang panday, nga anak ni Maria ug igsoon nila ni Santiago ug ni Jose ug ni Judas ug ni Simon? Ug dili ba ang iyang mga igsoong babaye ania man uban kanato?” Ug nasuko sila kaniya.

Lucas 18:37

Unya gisuginlan nila siya, “Si Jesus nga Nazaretnon ania miagi.”

Lucas 2:19

Apan kining tanan gitipigan lamang ni Maria nga namalandong niini diha sa iyang kasingkasing.

Lucas 2:39

Sa nahimo na nila ang tanan sumala sa balaod sa Ginoo, mipauli sila ngadto sa Galilea, sa ilang kaugalingong lungsod sa Nazaret.

Lucas 4:16

Unya siya miadto sa Nazaret, diin didto siya magtubo, ug sumala sa iyang nabatasan, misulod siya sa sinagoga sa adlaw nga igpapahulay. Ug mitindog siya aron pagbasa,

Lucas 4:23

Ug siya miingon kanila, “Sa walay duhaduha inyong isulti kanako kining maong panultihon, ‘Doktor, ayoha ang imong kaugalingon! Buhata usab dinhi sa imong kaugalingong lungsod ang among nadungog nga imong gibuhat didto sa Capernaum.’ ”

Mga Taga-Efeso 5:21

Magpasakop kamo nga masinugtanon sa usa ug usa ingon nga nagtahod kang Cristo.

1 Pedro 2:21

Kay alang niini gitawag kamo, tungod kay si Cristo nag-antos usab alang kaninyo, nga nagbilin kaninyo ug usa ka panag-ingnan aron kamo magsunod sa iyang mga tunob.