Lucas 2:41

Ang Biblia 2011

Unya ang iyang mga ginikanan mag-adtoan sa Jerusalem matag tuig, sa Kasaulogan sa Pagsaylo.

Cross References

Exodo 12:11

Ingna ninyo pagkaon niini: pagbakos kamo, pagsul-ob kamo ug sandalyas sa inyong mga tiil, ug ang inyong mga sungkod anaa sa inyong mga kamot. Kaona ninyo kini nga magdali. Mao kini ang Pagsaylo sa Ginoo.

Exodo 12:14

“Kining adlawa mahimong usa ka handomanan alang kaninyo, ug himoon ninyo kini ingon nga kasaulogan alang sa Ginoo. Sa tanan ninyong kaliwatan saulogon ninyo kini ingon nga tulumanon hangtod sa kahangtoran.

Exodo 34:23

Makatulo sa usa ka tuig kinahanglan nga ang tanan ninyong mga lalaki magpakita sa atubangan sa Ginoong Dios, ang Dios sa Israel.

Levitico 23:5

Sa unang bulan, sa ikanapulo ug upat nga adlaw sa bulan, taliwala sa duha ka gabii, mao ang Kasaulogan sa Pagsaylo sa Ginoo.

Numeros 28:16

“Sa ikanapulo ug upat nga adlaw sa unang bulan mao ang Pagsaylo sa Ginoo.

Lucas 2:42

Ug sa nagpanuigon na siyag napulo ug duha mitungas sila sa Jerusalem sumala sa nabatasan.

Juan 11:55

Unya nagsingabot na ang Kasaulogan sa Pagsaylo nga iya sa mga Judio, ug sa wala pa kini, daghan ang nanungas gikan sa kalungsoran ngadto sa Jerusalem aron sa pagpaputli sa ilang kaugalingon.

Juan 13:1

Sa wala pa ang Kasaulogan sa Pagsaylo, si Jesus nahibalo nga miabot na ang takna sa iyang pagbiya niining kalibotana ug sa pag-adto ngadto sa Amahan. Ug kay nahigugma man siya sa mga iya nga ania sa kalibotan, sila iyang gihigugma hangtod sa kataposan.

Juan 2:13

Nagkaduol na ang Kasaulogan sa Pagsaylo sa mga Judio busa si Jesus mitungas sa Jerusalem.

Juan 6:4

Niadtong tungora nagsingabot ang pagsaulog sa Pagsaylo, ang kasaulogan sa mga Judio.

Deuteronomio 12:11

unya ngadto sa dapit nga pilion sa Ginoo nga inyong Dios aron sa pagpapuyo sa iyang ngalan didto, dad-a ninyo didto ang tanan nga gisugo nako kaninyo, ang inyong mga halad nga sunogon ug ang inyong mga halad nga inihaw, ang inyong mga ikapulo ug ang mga halad nga binayaw sa inyong mga kamot ug ang tanan ninyong mga halad nga gisaad, nga inyong gisaad sa Ginoo.

Deuteronomio 12:18

Apan kaonon ninyo kini sa atubangan sa Ginoo nga inyong Dios, didto sa dapit nga pilion sa Ginoo nga inyong Dios, kamo ug ang inyong mga anak nga lalaki ug ang inyong mga anak nga babaye, ang inyong mga ulipon nga lalaki ug ang inyong mga ulipon nga babaye ug ang Levihanon nga anaa sa inyong mga lungsod ug paglipay sa atubangan sa Ginoo nga imong Dios sa tanan ninyong buhaton.

Deuteronomio 16:16

“Sa makatulo sa usa ka tuig ang tanan ninyong mga lalaki kinahanglang magpakita sa atubangan sa Ginoo nga inyong Dios, sa dapit nga pilion niya: sa Kasaulogan sa mga Pan nga Walay Patubo, sa Kasaulogan sa mga Semana ug sa Kasaulogan sa mga Balongbalong. Ug kinahanglang dili sila magpakita nga walay dala sa atubangan sa Ginoo.

1 Samuel 1:21

Unya ang tawo nga si Elkana ug ang tanan sa iyang balay miadto sa Ginoo aron sa paghalad sa halad nga tinuig ug sa pagtuman sa iyang panaad.

1 Samuel 1:3

Kining tawhana mag-adtoan matag tuig gikan sa iyang siyudad aron sa pagsimba ug paghalad ngadto sa Ginoo sa mga panon didto sa Silo, diin ang duha ka anak nga lalaki ni Eli nga si Hopni ug si Pinehas mga pari sa Ginoo.