Lucas 2:4

Ang Biblia 2011

Ug si Jose usab gikan sa Galilea, gikan sa lungsod sa Nazaret, miadto sa Judea, sa lungsod ni David nga ginganlan ug Betlehem, kay siya gikan man sa banay ug sa kaliwatan ni David,

Cross References

Genesis 35:19

Ug namatay si Raquel ug gilubong siya sa dalan sa Efrata nga mao ang Betlehem.

Genesis 48:7

Kay sa paggikan nako sa Padan, nasubo ako kay namatay man si Raquel didto sa yuta sa Canaan, sa dalan nga dili na kaayo layo gikan sa Efrata. Ug gilubong nako siya didto sa dalan padulong sa Efrata nga mao ang Betlehem.”

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Mateo 1:20

Apan samtang naglaraw siya sa pagbuhat niini, dihay usa ka anghel sa Ginoo nga mitungha kaniya pinaagi sa damgo ug miingon, “Jose, anak ni David, ayaw kahadlok sa pagpangasawa kang Maria kay kanang iyang gisamkon gikan sa Espiritu Santo.

Mateo 2:23

Ug siya miabot ug mipuyo sa usa ka lungsod nga ginganlan ug Nazaret, aron matuman ang gisulti sa mga propeta nga nag-ingon, “Siya tawgon nga Nazaretnon.”

Lucas 2:3

Ang tanan nangadto aron sa pagpalista, ang matag usa ngadto sa iyang kaugalingong lungsod.

Lucas 2:5

aron sa pagpalista uban kang Maria nga iyang pangasaw-onon nga nagsabak.

Lucas 4:16

Unya siya miadto sa Nazaret, diin didto siya magtubo, ug sumala sa iyang nabatasan, misulod siya sa sinagoga sa adlaw nga igpapahulay. Ug mitindog siya aron pagbasa,

Juan 1:46

Ug si Natanael miingon kaniya, “Aduna bay maayo nga naggikan sa Nazaret?” Si Felipe miingon kaniya, “Dali ug tan-awa.”

Juan 7:42

Dili ba giingon man sa Kasulatan nga ang Cristo maggikan sa kaliwatan ni David ug gikan sa Betlehem, ang balangay diin didto si David?”

Ruth 1:19

Busa silang duha nanglakaw hangtod nga miabot sila sa Betlehem. Ug sa dihang miabot sila sa Betlehem, ang tibuok siyudad nagkagubot mahitungod kanila ug sila miingon, “Mao ba kini si Naomi?”

Ruth 2:4

Ug unya, si Boas miabot gikan sa Betlehem ug miingon sa mga mangangani, “Ang Ginoo mag-uban kaninyo!” Ug sila mitubag, “Ang Ginoo magpanalangin kanimo.”

Ruth 4:11

Unya ang tanang katawhan nga didto sa ganghaan ug ang mga kadagkoan miingon, “Kami mga saksi. Ang Ginoo maghimo unta sa babaye nga mahiadto sa imong balay sama kang Rachel ug kang Lea nga naghiusa sa pagtukod sa balay sa Israel. Hinaot nga mouswag ikaw didto sa Efrata ug mabantogan sa Betlehem.

Ruth 4:17

Ug ang mga babaye nga iyang silingan mihatag kaniya ug usa ka ngalan nga nag-ingon, “May usa ka anak nga lalaki ang natawo kang Naomi.” Ug ilang ginganlan siya ug Obed. Siya ang amahan ni Jesse nga amahan ni David.

1 Samuel 16:1

Ang Ginoo miingon kang Samuel, “Unsa ba kadugay ang imong pagbangutan alang kang Saul, nga nakita nimo nga akong gisalikway siya gikan sa pagkahari sa Israel? Sudli ug lana ang imong sungay ug lakaw. Paadtoon ko ikaw kang Jesse nga taga-Betlehem kay ako nagtagana ug usa ka hari alang kanako taliwala sa iyang mga anak.”

1 Samuel 16:4

Si Samuel mibuhat sumala sa gisugo sa Ginoo, ug miadto sa Betlehem. Ug ang mga kadagkoan sa siyudad miadto aron sa pagsugat kaniya nga nagkurog ug miingon, “Mianhi ba ikaw nga malinawon?”

1 Samuel 17:12

Si David usa ka anak sa usa ka Efratihanon sa Betlehem sa Juda nga ginganlan ug Jesse, nga may walo ka anak nga lalaki. Sa mga adlaw ni Saul, ang maong tawo tigulang na ug taas na ug panuigon.

1 Samuel 17:58

Ug si Saul miingon kaniya, “Kang kinsang anak ikaw, batan-on?” Ug si David mitubag, “Ako ang anak sa imong sulugoon nga si Jesse nga taga-Betlehem.”

1 Samuel 20:6

Kon mangita gayod kanako ang imong amahan, ingna siya, ‘Si David naghangyo pag-ayo kanako nga siya tugotan pag-adto sa Betlehem nga iyang siyudad kay adunay tinuig nga paghalad didto alang sa tibuok panimalay!’