Lucas 2:37

Ang Biblia 2011

unya nabiyuda siya hangtod 84 na ang iyang panuigon. Wala siya mopahawa sa Templo apan nagpadayon siya sa pagsimba adlaw ug gabii pinaagi sa pagpuasa ug pag-ampo.

Cross References

Salmo 22:2

O akong Dios, nagtuaw ako panahon sa adlaw, apan wala ikaw mamati kanako; ug panahon sa kagabhion, apan wala ako makapahulay.

Salmo 23:6

Ang kaayo ug kaluoy magpadayon gayod uban kanako sa tanang mga adlaw sa akong kinabuhi, ug magpuyo ako sa balay sa Ginoo hangtod sa kahangtoran.

Salmo 27:4

Usa ka butang ang akong gipangayo sa Ginoo, nga akong pangitaon; nga makapuyo ako sa balay sa Ginoo sa tanang mga adlaw sa akong kinabuhi, aron sa pagsud-ong sa katahom sa Ginoo, ug sa pagpakisayod diha sa iyang Templo.

Salmo 84:10

Kay ang usa ka adlaw diha sa imong mga hawanan maayo pa kay sa usa ka libo sa gawas niini. Palabihon nako nga mahimong tigbantay sa pultahan sa balay sa akong Dios, kay sa pagpuyo diha sa mga tolda sa pagkadaotan.

Salmo 84:4

Bulahan sila nga nagpuyo sa imong balay, kanunay nga nagdayeg kanimo. Selah

Salmo 92:13

Sila gitanom diha sa balay sa Ginoo; milambo sila diha sa mga hawanan sa atong Dios.

Exodo 38:8

Gibuhat niya ang planggana gikan sa bronsi ug ang tungtonganan niini gikan sa bronsi, gikan sa mga salamin sa mga babaye nga nag-alagad diha sa pultahan sa tolda nga tagboanan.

Lucas 5:33

Unya sila miingon kaniya, “Ang mga tinun-an ni Juan nagpuasa kanunay ug naghimo ug mga pangamuyo ug mao usab ang mga tinun-an sa mga Pariseo, apan ang imong mga tinun-an nangaon ug nanginom.”

Mga Buhat 13:3

Unya human sila makapuasa ug makaampo, ilang gipandong ang ilang mga kamot kanila ug gipagikan sila.

Mga Buhat 14:23

Ug sa nakatudlo na sila ug mga kadagkoan alang kanila diha sa matag iglesia, pinaagi sa pag-ampo ug mga pagpuasa, ilang gitugyan sila ngadto sa Ginoo nga ilang gituohan.

Mga Buhat 26:7

nga maoy gilaoman nga kab-oton sa atong napulo ug duha ka banay, samtang nagsimba sila nga mainiton gayod sa adlaw ug gabii. Ug tungod niining maong paglaom, O hari, gisumbong ako sa mga Judio.

1 Timoteo 5:5

Ang babaye nga tinuod gayod nga biyuda, ug nagpuyo nga nag-inusara, nagbutang sa iyang paglaom diha sa Dios ug nagpadayon diha sa mga pagpangamuyo ug sa mga pag-ampo sa gabii ug sa adlaw.

Gipadayag 3:12

Siya nga magmadaogon, akong himoon nga haligi diha sa Templo sa akong Dios, ug dili na siya mogula niini, ug isulat nako diha kaniya ang ngalan sa akong Dios, ug ang ngalan sa siyudad sa akong Dios, ang bag-ong Jerusalem nga manaog gikan sa langit gikan sa akong Dios, ug ang akong bag-o nga ngalan.

Gipadayag 7:15

Tungod niini anaa sila sa atubangan sa trono sa Dios, ug nag-alagad kaniya sa adlaw ug sa gabii sulod sa iyang Templo, ug ang naglingkod sa trono magbuklad sa iyang tolda ibabaw kanila.

1 Samuel 2:2

“Walay laing balaan sama sa Ginoo, walay lain gawas kanimo; walay laing bato sama sa atong Dios.