Lucas 2:25

Ang Biblia 2011

Unya didtoy usa ka tawo sa Jerusalem nga ginganlan ug Simeon. Kining tawhana matarong ug may kahadlok sa Dios, nagtinguha sa kalipay sa Israel ug ang Espiritu Santo diha kaniya.

Cross References

Genesis 6:9

Kini mao ang mga kaliwat ni Noe. Si Noe usa ka tawo nga matarong ug dili masaway sa iyang panahon. Si Noe nagkinabuhi uban sa Dios.

Job 1:1

Dihay usa ka tawo sa yuta sa Uz nga Job ang ngalan. Kining tawhana hingpit ug matarong, mahadlokon sa Dios ug naglikay sa daotan.

Job 1:8

Ang Ginoo miingon kang Satanas, “Nahunahunaan ba nimo si Job nga akong sulugoon nga walay sama kaniya diha sa yuta, walay ikasaway ug matarong nga tawo, mahadlokon sa Dios ug naglikay sa daotan?”

Isaias 25:9

Isulti unya kini nianang adlawa, “Tan-awa, kini mao ang atong Dios; kita naghulat kaniya aron siya magluwas kanato. Kini mao ang Ginoo, kita naghulat kaniya; magmaya kita ug maglipay diha sa iyang pagluwas.”

Isaias 40:1

Lipaya ninyo, lipaya ninyo ang akong katawhan, nag-ingon ang inyong Dios.

Miqueas 6:8

Gipakita na niya kanimo, O tawo, kon unsa ang maayo; unsa ba ang gikinahanglan sa Ginoo kanimo kondili ang pagbuhat sa hustisya ug ang gugmang walay paglubad ug ang paglakaw nga mapaubsanon uban sa imong Dios?

Numeros 11:25

Ug ang Ginoo mikunsad sa panganod ug misulti kaniya ug mikuha sa ubang espiritu nga anaa kaniya ug gibutang kini ngadto sa 70 ka kadagkoan. Ug sa diha na ang espiritu kanila, nagpropesiya sila apan wala sila mopadayon.

Numeros 11:29

Apan si Moises mitubag kaniya, “Nasina ba ikaw alang kanako? Maayo unta kon ang tibuok nga katawhan sa Ginoo mga propeta pa, nga ibutang sa Ginoo ang iyang Espiritu diha kanila!”

Marcos 15:43

si Jose nga taga-Arimatea nga usa ka tinahod nga sakop sa Sanhedrin, ug nagpaabot usab sa gingharian sa Dios, nangahas sa pag-adto kang Pilato ug gipangayo niya ang lawas ni Jesus.

Lucas 1:41

Sa pagkadungog ni Elisabet sa pangumosta ni Maria, ang bata misikad sulod sa iyang tiyan ug si Elisabet napuno sa Espiritu Santo.

Lucas 1:6

Silang duha matarong atubangan sa Dios, nagsubay sa tanang kasugoan ug kalagdaan sa Ginoo, walay ikasaway kanila.

Lucas 1:67

Unya si Zacarias nga iyang amahan napuno sa Espiritu Santo ug mipropesiya nga nag-ingon,

Lucas 2:38

Ug sa pag-abot niadtong taknaa, nagpasalamat siya sa Dios ug misulti mahitungod sa bata ngadto sa tanang nagpaabot sa pagtubos sa Jerusalem.

Lucas 23:51

Siya wala mouyon sa ilang katuyoan ug binuhatan, ug siya nagpaabot sa gingharian sa Dios.

Mga Buhat 10:2

Siya usa ka tawong relihiyoso uban sa iyang tibuok nga panimalay; siya mahadlokon sa Dios, naghatag ug daghang hinabang ngadto sa mga tawo ug nag-ampo kanunay sa Dios.

Mga Buhat 10:22

Ug sila miingon, “Si Cornelio nga kapitan, nga usa ka tawo nga matarong ug mahadlokon sa Dios, ug namatud-an nga maayo sa tibuok nasod sa mga Judio, gimandoan sa usa ka balaang anghel sa pagpakuha kanimo aron moadto sa iyang balay ug siya mamati sa imong isulti kaniya.”

Mga Buhat 2:5

Niadtong panahona didtoy mga Judio nga nagpuyo sa Jerusalem, mga tawong relihiyoso gikan sa tanang nasod ubos sa langit.

Mga Buhat 24:16

Busa kanunay nako nga gipaningkamotan ang pagbaton ug hinlo nga tanlag ngadto sa Dios ug sa mga tawo.

Deuteronomio 18:15

“Ang Ginoo nga inyong Dios magpatindog alang kaninyo ug usa ka propeta sama kanako gikan sa inyong taliwala, gikan sa inyong mga igsoon, kaniya mamati kamo.

2 Pedro 1:21

tungod kay walay propesiya nga miabot pinaagi sa kabubut-on sa tawo apan minandoan sa Espiritu Santo, ang mga tawo nagsulti gikan sa Dios.