Lucas 2:21

Ang Biblia 2011

Sa milabay na ang walo ka adlaw, sa dihang gituli siya, ilang ginganlan siya ug Jesus, ang ngalan nga gihatag kaniya sa anghel sa wala pa siya isamkon.

Cross References

Genesis 17:12

Ug ang bata nga walo na ka adlaw kinahanglang tulion, ang tanan nga lalaki sa tibuok ninyong kaliwatan nga natawo sa inyong balay o kadtong gipalit gikan kang bisan kinsa nga dumuduong nga dili imong kaliwat.

Levitico 12:3

Ug sa ikawalo nga adlaw tulion ang unod sa yamis sa bata.

Mateo 1:21

Manganak siya ug usa ka batang lalaki, ug siya imong nganlan ug Jesus, kay siya mao ang moluwas sa iyang katawhan gikan sa ilang mga sala.”

Mateo 1:25

Apan si Jose wala makighilawas kaniya hangtod nga gipanganak ni Maria ang usa ka bata nga lalaki, ug iyang ginganlan siya ug Jesus.

Mateo 3:15

Apan si Jesus mitubag kaniya, “Itugot kini karon kay angay kanato ang pagtuman sa tibuok nga pagkamatarong.” Ug siya mitugot kaniya.

Lucas 1:31

Ug ikaw magsamkon ug manganak ug usa ka batang lalaki, ug siya imong nganlan ug Jesus.

Lucas 1:59

Ug sa ikawalo nga adlaw sila nangabot aron sa pagtuli sa bata, ug nganlan unta nila siya ug Zacarias, sama sa iyang amahan.

Mga Taga-Filipos 2:8

siya nagpaubos sa iyang kaugalingon ug nahimong masinugtanon hangtod sa kamatayon, bisan pa sa kamatayon diha sa krus.