Lucas 2:19

Ang Biblia 2011

Apan kining tanan gitipigan lamang ni Maria nga namalandong niini diha sa iyang kasingkasing.

Cross References

Genesis 37:11

Ug ang iyang mga igsoon nasina kaniya, apan kini nga pulong gitipigan sa iyang amahan diha sa iyang hunahuna.

Salmo 119:11

Gitipigan nako ang imong pulong sulod sa akong kasingkasing, aron dili ako makasala batok kanimo.

Mga Panultihon 4:4

iya akong gitudloan ug giingnan, “Patipigi sa imong kasingkasing ang akong mga pulong; tumana ang akong mga sugo ug ikaw mabuhi;

Daniel 7:28

Dinhi natapos ang maong butang. Mahitungod kanako, si Daniel, ang akong mga hunahuna nakapakuyaw pag-ayo kanako, ug nangluspad ang akong nawong; apan akong gitagoan ang maong butang sulod sa akong hunahuna.

Oseas 14:9

Si bisan kinsa nga maalamon makasabot niining mga butanga, si bisan kinsa nga may panabot makahibalo niini. Kay ang mga dalan sa Ginoo matarong ug ang matarong maglakaw subay niini apan ang mga malapason mahisukamod diha niini.

Lucas 1:66

ug ang tanang nakadungog nagtipig niini sulod sa ilang mga kasingkasing nga nag-ingon, “Maunsa man kaha kining bataa?” kay ang kamot sa Ginoo diha man uban kaniya.

Lucas 2:18

ug ang tanang nakadungog niini nahibulong sa gisulti kanila sa mga tigbantay sa mga karnero.

Lucas 2:51

Unya siya milugsong uban kanila ug miadto sa Nazaret, ug siya nagmasinugtanon kanila. Ug kining tanan gitipigan sa iyang inahan sulod sa iyang kasingkasing.

1 Samuel 21:12

Ug gitipigan ni David kining mga pulonga sa iyang kasingkasing, ug nahadlok siya pag-ayo kang Akis nga hari sa Gat.