Lucas 19:6

Ang Biblia 2011

Busa midali siya pagkanaog, ug midawat kang Jesus nga malipayon.

Cross References

Isaias 64:5

Gitagbo nimo siya nga naglipay ug nagbuhat sa pagkamatarong, kadtong mga nahinumdom kanimo sa imong mga pamaagi. Tan-awa, ikaw nasuko ug kami nagpakasala; sa dihang ikaw nagtago sa imong nawong, kami nagbuhat ug daotan.

Lucas 19:5

Ug sa pag-abot ni Jesus niadtong dapita, mihangad siya ug miingon kaniya, “Zaqueo, pagdali ug kanaog, kay kinahanglan adto ako moabot sa imong balay karong adlawa.”

Lucas 19:7

Ug ang tanan nga nakakita niini nagbagulbol nga nag-ingon, “Misulod siya ingon nga dinapit sa balay sa usa ka tawong makasasala.”

Lucas 2:16

Unya miadto sila nga nagdali ug ilang nakit-an si Maria ug si Jose ug ang gamayng bata nga naghigda sa pasongan.

Lucas 5:29

Unya si Levi naghimo alang kaniya ug usa ka dakong kombira didto sa iyang balay, ug didtoy dakong pundok sa mga tigpaningil ug buhis ug uban pa nga nagtambong sa kan-anan uban kanila.

Mga Buhat 16:15

Ug sa nabautismohan na siya kauban sa iyang panimalay, mihangyo siya kanamo nga nag-ingon, “Kon inyo akong gihukman nga matinud-anon sa Ginoo, adto kamo abot sa akong balay.” Ug siya namugos kanamo.

Mga Buhat 16:34

Ug gidala niya sila sa iyang balay, ug gidulotan sila ug pagkaon ug uban sa iyang tibuok panimalay siya nalipay nga siya mituo sa Dios.

Mga Buhat 2:41

Ug unya gibautismohan kadtong mga midawat sa iyang pulong, ug niadtong adlawa may mga tulo ka libo ka tawo ang nadugang kanila.