Lucas 19:47

Ang Biblia 2011

Ug siya nagtudlo matag adlaw sulod sa Templo, ug ang mga pangulong pari ug mga eskriba ug ang kadagkoan sa mga katawhan naninguha sa pagpatay kaniya,

Cross References

Mateo 21:23

Unya sa pagsulod niya sa Templo, ang kadagkoan sa mga pari ug ang mga pangulo sa lungsod miduol kaniya samtang nagtudlo siya ug miingon sila kaniya, “Pinaagi sa unsang kagahom nga gihimo nimo kining mga butanga ug kinsa may naghatag kanimo sa maong kagahom?”

Mateo 26:55

Ug niadtong tungora si Jesus miingon sa panon sa katawhan, “Nanganhi ba kamo nga daw batok ug usa ka tulisan, nga magdala man kamo ug mga espada ug mga puspos? Adlaw adlaw akong maglingkod didto sa Templo nga nagtudlo ug wala ninyo ako dakpa didto.

Marcos 11:18

Ug nakadungog niini ang mga pangulong pari ug ang mga eskriba, ug nangita sila ug paagi sa pagpatay kaniya, kay nahadlok sila kaniya kay ang tibuok panon sa katawhan nahibulong man sa iyang gipanudlo.

Marcos 12:12

Unya misulay sila sa pagdakop kaniya, apan nahadlok sila sa daghang katawhan, kay nakasabot man sila nga batok kanila ang sambingay nga gisugilon niya. Busa mibiya sila kaniya ug nanglakaw.

Marcos 14:1

Duha na lang ka adlaw sa dili pa ang Kasaulogan sa Pagsaylo ug ang Kasaulogan sa Pan nga Walay Patubo. Ug ang mga pangulong pari ug ang mga eskriba naglaraw kon unsaon nila sa pagdakop kang Jesus pinaagi sa lingla ug sa pagpatay kaniya,

Marcos 14:49

Matag adlaw uban ako kaninyo didto sa Templo, nanudlo ako didto ug wala hinuon ninyo ako dakpa. Apan kinahanglan nga matuman ang kasulatan.”

Lucas 19:48

apan wala silay nakita nga mahimo nila, kay ang tanang mga tawo nagpadayon man sa pagpamati sa iyang mga pulong.

Lucas 20:19

Unya ang mga eskriba ug mga pangulong pari misulay sa pagdakop kang Jesus niadto gayong tungora, kay nakasabot man sila nga iyang gisugilon ang maong sambingay batok kanila, apan nahadlok sila sa mga tawo.

Juan 10:39

Ug siya ila na usab nga gisulayan sa pagdakop, apan siya miikyas gikan sa ilang mga kamot.

Juan 18:20

Si Jesus mitubag kaniya, “Nagsulti ako sa dayag ngadto sa kalibotan. Kanunay akong nagtudlo sulod sa mga sinagoga ug sa Templo diin adto magtigoman ang tanang mga Judio. Wala akoy gisulti sa tago.

Juan 7:19

Dili ba si Moises mao man ang naghatag kaninyo sa Balaod? Apan wala kaninyoy nagtuman sa Balaod. Nganong nagtinguha man kamo sa pagpatay kanako?”

Juan 7:44

Ang uban kanila buot untang modakop kaniya apan walay mihilabot kaniya.