Lucas 19:44

Ang Biblia 2011

ug ipusdak sa yuta, ikaw ug ang imong mga kabataan sa sulod nimo, ug dili nila ikaw bilinan ug usa ka bato nga magpatong sa laing bato, kay ikaw wala man makahibalo sa panahon sa pagduaw sa Dios kanimo.”

Cross References

Salmo 137:9

Magmalipayon siya nga nagkuha sa imong mga kabataan ug mibunal kanila ngadto sa bato!

Isaias 10:3

Unsa may inyong buhaton sa adlaw sa pagsilot diha sa bagyo nga umaabot gikan sa layo? Kang kinsa man kamo modangop aron magpakitabang, ug asa man ninyo ibilin ang inyong bahandi?

Isaias 29:3

Ug ako magkampo batok kanimo, sa imong palibot, ug libotan ko ikaw sa mga tore, ug magpatindog ako ug mga kahimanan sa pagsulong batok kanimo.

Jeremias 11:23

ug walay mahibilin kanila. Kay ako magpadala ug kadaotan ngadto sa mga tawo sa Anatot, sa tuig sa pagsilot kanila.”

Mga Pagbangotan 1:8

Ang Jerusalem nakasala ug dako busa siya nahimong talamayon; ang tanan nga nagpasidungog kaniya nagbiaybiay kaniya, kay nakita nila ang iyang pagkahubo; Oo, siya nag-agulo, ug gilingiw ang iyang nawong.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Daniel 9:26

Ug human sa 62 ka pito ka tuig, ang dinihogan patyon ug walay mabatonan bisan unsa, ug ang katawhan sa pangulo nga moabot maoy molaglag sa siyudad ug sa balaang dapit. Ang kataposan niini moabot sama sa baha ug hangtod sa kataposan adunay gubat, ang pagkagun-ob gitakda na.

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Mateo 24:2

Apan siya mitubag kanila, “Dili ba nakita man ninyo kining tanan? Sa pagkatinuod, sultihan ko kamo, nga dinhi walay bato nga pinatong sa laing bato nga dili tumpagon.”

Marcos 13:2

Ug si Jesus miingon, “Nakita ba nimo kining dagkong mga balay? Dinhi wala unyay mahibilin nga usa ka bato nga nagpatong sa bato nga dili tumpagon.”

Lucas 1:68

“Dalaygon ang Ginoong Dios sa Israel, tungod kay iyang giduaw ug gilukat ang iyang katawhan.

Lucas 1:78

pinaagi sa malumong kaluoy sa atong Dios sa dihang moabot kanato ang adlaw gikan sa kahitas-an,

Lucas 19:42

ug miingon, “Kon niining adlawa nahibalo pa lamang unta ikaw sa mga butang nga maghimo sa kalinaw! Apan karon natago kini gikan sa imong mga mata.

Lucas 21:6

“Mahitungod niining mga butanga nga inyong nakita, moabot ang mga adlaw nga dinhi wala na unyay mahibiling usa ka bato nga gipatong sa laing bato nga dili tumpagon.”

1 Pedro 2:12

Pagbaton kamo ug ligdong nga pagkinabuhi uban sa mga Gentil, aron nga bisan kon moingon sila nga kamo mga tigbuhat ug daotan, tungod sa ilang pagkakita sa inyong mga maayong binuhatan, sila maghimaya sa Dios unya sa adlaw sa iyang pag-anhi.