Lucas 19:29

Ang Biblia 2011

Sa nagkaduol na siya sa Betfage ug sa Betania, sa bungtod nga ginganlan ug Olibo, nagsugo siya ug duha sa iyang mga tinun-an

Cross References

Zacarias 14:4

Nianang adlawa, ang iyang mga tiil motindog diha sa Bukid sa mga Olibo nga anaa atbang sa Jerusalem sa silangan, ug ang Bukid sa mga Olibo mapikas gikan sa silangan ug ngadto sa kasadpan pinaagi sa dako kaayong walog, nga tungod niana ang katunga sa bukid mosibog ngadto sa amihanan ug ang laing katunga ngadto sa habagatan.

Mateo 21:17

Ug gibiyaan niya sila ug migula siya sa siyudad paingon sa Betania ug nagpabilin siya didto.

Lucas 19:30

nga iyang giingnan, “Adto kamo nianang balangay sa atbang diin, inigsulod ninyo inyong makita ang usa ka nating asno nga gihigot, nga wala pa gayod masakyi ug tawo. Hubari ninyo kini ug dad-a dinhi.

Lucas 19:37

Sa nagkaduol na siya diha sa lugsonganan sa Bungtod sa mga Olibo, ang tibuok pundok sa mga tinun-an misugod sa paglipay sa pagdayeg sa Dios uban sa kusog nga tingog tungod sa tanang gamhanang buhat nga nakita nila.

Lucas 21:37

Ug sa matag-adlaw nagtudlo siya sulod sa templo, apan sa gabii molakaw siya aron sa pagpahulay diha sa bungtod nga ginganlan ug Olibo.

Lucas 22:39

Unya migula siya ug miadto sa Bungtod sa mga Olibo, sumala sa iyang nabatasan, ug ang mga tinun-an misunod kaniya.

Lucas 24:50

Unya iyang gidala sila ngadto sa gawas hangtod sa Betania, ug binayaw ang iyang mga kamot, iyang gipanalanginan sila.

Mga Buhat 1:12

Unya namalik sila sa Jerusalem gikan sa bungtod nga ginganlan ug Olibo nga duol sa Jerusalem, nga ang gilay-on sama sa usa ka adlawng igpapahulay nga lakaw.