Lucas 18:38

Ang Biblia 2011

Ug siya misinggit, “Jesus, Anak ni David, kaluy-i intawon ako!”

Cross References

Salmo 62:12

ug nganha kanimo, O Ginoo, imo ang gugmang walay paglubad. Kay ikaw nagbalos sa tawo sumala sa iyang buhat.

Isaias 11:1

Adunay motunga nga saha gikan sa tuod ni Jesse, ug usa ka sanga motubo gikan sa iyang mga gamot.

Jeremias 23:5

“Ang mga adlaw nagsingabot gayod, nag-ingon ang Ginoo, nga ako magpatindog alang kang David ug usa ka matarong nga Sanga, ug siya magmando ingon nga hari ug magdumala nga maalamon ug magpahamtang sa hustisya ug pagkamatarong dinhi sa yuta.

Mateo 12:23

Ug nahibulong ang tanang mga tawo ug miingon, “Mao na ba kaha kini ang Anak ni David?”

Mateo 15:22

Unya dihay usa ka babayeng Canaanhon nga tagadidto nga miduol ug misinggit nga nag-ingon, “Ginoo, Anak ni David, kaluy-i intawon ako! Ang akong anak nga babaye gidemonyohan pag-ayo.”

Mateo 21:15

Apan sa diha nga ang mga pangulong pari ug ang mga eskriba nakakita sa mga kahibulongang butang nga iyang gibuhat ug sa mga kabataan nga nanghugyaw sulod sa Templo nga nag-ingon, “Hosanna, Anak ni David!” sila nangasuko.

Mateo 21:9

Ug ang mga panon sa katawhan nga nag-una ug nagsunod kaniya naninggit nga nag-ingon, “Hosanna, sa Anak ni David! Dalaygon ang mianhi sa ngalan sa Ginoo! Hosanna sa kahitas-an!”

Mateo 9:27

Sa pagbiya ni Jesus gikan didto, dihay misunod kaniya nga duha ka buta nga naninggit ug nag-ingon, “Kaluy-i intawon kami, Anak ni David.”

Lucas 18:37

Unya gisuginlan nila siya, “Si Jesus nga Nazaretnon ania miagi.”

Lucas 18:39

Unya gibadlong siya sa mga nag-una ug giingnan siya nga maghilom apan misamot pa hinuon siya sa pagsinggit nga nag-ingon, “Anak ni David, kaluy-i intawon ako!”

Roma 1:3

mahitungod sa iyang Anak nga gikan sa kaliwat ni David sumala sa unod

Gipadayag 22:16

“Ako, si Jesus, ang nagpadala kaninyo sa akong anghel uban niining pagpamatuod alang sa mga iglesia. Ako mao ang gamot ug ang kaliwat ni David, ang hayag nga bituon sa kabuntagon.”