Lucas 18:32

Ang Biblia 2011

Kay siya itugyan ngadto sa mga Gentil ug bugalbugalan ug pakaulawan ug lud-an.

Cross References

Isaias 50:6

Ako naghatag sa akong likod ngadto sa mga tighampak, ug sa akong mga aping ngadto kanila nga nag-ibot sa bungot; wala nako tagoi ang akong nawong gikan sa kaulaw ug pagpangluwa.

Isaias 52:14

Ingon nga daghan ang nahibulong kaniya —ang iyang nawong nasamadsamaran gayod, nga dili na dagway ug tawo, ug ang iyang dagway dili na sama sa usa ka tawo—

Isaias 53:3

Siya gitamay ug gisalikway sa mga tawo; usa ka tawo sa mga kasub-anan, ug sinati sa kasakitan, ug ingon sa usa ka tawo nga ang mga tawo magtago sa ilang nawong gikan kaniya, siya gibiaybiay ug siya wala nato hatagi ug bili.

Miqueas 5:1

Karon gilibotan ikaw ug kuta; usa ka pagsulong gihimo batok kanato; pinaagi sa usa ka bunal hampakon nila diha sa aping ang tigmando sa Israel.

Mateo 16:21

Sukad niadtong panahona si Jesus misugod sa pagpahayag ngadto sa iyang mga tinun-an nga kinahanglang moadto siya sa Jerusalem ug mag-antos sa daghang mga pagsakit gikan sa mga kadagkoan ug sa mga pangulong pari ug sa mga eskriba ug nga patyon siya ug sa ikatulong adlaw banhawon.

Mateo 20:19

ug itugyan ngadto sa mga Gentil aron bugalbugalan ug bunalan ug ilansang sa krus apan sa ikatulo nga adlaw banhawon siya.”

Mateo 22:6

samtang ang uban midakop sa iyang mga ulipon ug mipakaulaw ug mipatay kanila.

Mateo 26:67

Unya gilud-an nila ang iyang nawong ug gibunalan siya ug ang uban misagpa kaniya

Mateo 27:2

Ug sa nagapos na nila siya, gidala nila siya ug gitugyan ngadto kang Pilato nga gobernador.

Marcos 14:65

Unya ang pipila misugod sa pagpangluwa kaniya, ug sa pagtabon sa iyang nawong ug sa pagbunal kaniya ug sa pag-ingon, “Tag-ana!” Ug gidawat siya sa mga bantay ug gibun-og siya.

Marcos 15:1

Dihadiha, sa pag-abot na sa kabuntagon, ang mga pangulong pari nakigsabot uban sa mga kadagkoan ug sa mga eskriba ug sa tibuok Sanhedrin. Ug gigapos nila si Jesus ug gidala ug gitugyan ngadto kang Pilato.

Lucas 18:33

Latoson nila siya ug patyon, apan sa ikatulong adlaw siya mabanhaw.”

Lucas 23:1

Unya mitindog ang tibuok panon ug ilang gidala si Jesus sa atubangan ni Pilato.

Lucas 23:11

Ug si Herodes, uban sa iyang mga sundalo, mitamay ug mibiaybiay kaniya, ug sa nasul-oban na siya ug mahalon nga bisti, gipadala siya ni Herodes balik kang Pilato.

Lucas 23:35

Ug ang mga tawo nagtindog nga nagtan-aw, apan ang mga pangulo nagbugalbugal kaniya, nga nag-ingon, “Giluwas niya ang uban, ipaluwas niya ang iyang kaugalingon kon siya mao man ang Cristo sa Dios, ang iyang Pinili!”

Juan 18:22

Ug sa pagsulti niya niini, usa sa mga tinugyanan nga nagtindog sa duol misagpa kang Jesus ug miingon kaniya, “Mao ba kanay tinubagan nimo sa labawng pangulong pari?”

Juan 18:28

Unya ilang gidala si Jesus gikan sa balay ni Caifas ngadto sa palasyo sa gobernador. Sayo kadto sa kabuntagon ug sila wala mosulod sa palasyo aron dili sila mahugawan ug aron makakaon sila sa Kasaulogan sa Pagsaylo.

Juan 18:30

Sila mitubag ug miingon kaniya, “Kon kining tawhana dili pa tigbuhat ug daotan, wala unta namo siya itugyan kanimo.”

Juan 18:32

Kini aron matuman ang pulong nga gisulti ni Jesus nga nagpasabot sa paagi sa kamatayon nga iyang kamatyan.

Juan 18:35

Si Pilato mitubag, “Judio ba ako? Ang imong nasod ug ang mga pangulong pari mao ang nagtugyan kanimo nganhi kanako. Unsa ba diay ang imong nabuhat?”

Mga Buhat 2:23

Kining maong Jesus nga gitugyan sumala sa gitakda nga plano ug sa nahibaloan nang daan sa Dios, inyong gilansang sa krus ug gipatay pinaagi sa mga kamot sa mga tawong wala magtamod sa balaod.

Mga Buhat 3:13

Ang Dios ni Abraham ug ni Isaac ug ni Jacob, ang Dios sa atong katigulangan, nagpasidungog sa iyang alagad nga si Jesus, nga inyong gitugyan ug gilimod sa atubangan ni Pilato nga mihukom na unta sa pagbuhi kaniya.