Lucas 18:3

Ang Biblia 2011

Ug sa maong lungsod dihay usa ka biyuda nga nagbalikbalik sa pag-adto kaniya ug nag-ingon, ‘Hatagi ako ug hustisya batok sa akong kaaway.’

Cross References

Job 22:9

Gipalakaw nimo ang mga biyuda nga walay dala, ug ang mga bukton sa mga walay amahan nangadugmok.

Job 29:13

Ang panalangin niadtong duol sa kamatayon miabot kanako, ug ang kasingkasing sa biyuda gipaawit nako sa kalipay.

Isaias 1:17

tun-i ang pagbuhat ug maayo; pangitaa ang hustisya, badlonga ang pagpangdaogdaog, panalipdi ang wala nay amahan, labani ang biyuda.

Jeremias 5:28

sila nanambok ug nahimsog. Wala sila mahibalo sa utlanan sa mga buhat sa pagkadaotan; wala sila maghukom pinaagi sa hustisya sa katungod sa mga wala nay amahan, aron kini mouswag, ug wala nila labani ang katungod sa mga nanginahanglan.

Mateo 5:25

Pakighigala dayon sa imong magsusumbong samtang nagkuyog pa kamo sa dalan kay tingali unya ug itugyan ikaw sa imong magsusumbong ngadto sa maghuhukom ug ang maghuhukom magtugyan kanimo ngadto sa bantay ug bilanggoon ikaw.

Lucas 18:2

Siya miingon kanila, “Sa usa ka lungsod dihay usa ka maghuhukom nga walay kahadlok sa Dios ug walay pagtahod sa tawo.

Lucas 18:4

Wala una niya kini panumbalinga, apan sa kataposan miingon siya sa iyang kaugalingon, ‘Bisan ug wala ako mahadlok sa Dios ug wala magtahod sa tawo,

Lucas 18:5

apan kay nagsamok man kanako kining biyuda, ihatag nako kaniya ang hustisya, basin unya hinuon ug maugtas ako sa kanunay niyang pagbalikbalik.’ ”

Deuteronomio 27:19

“ ‘Tinunglo ang magtuis sa hustisya nga alang sa langyaw, sa wala nay amahan ug sa biyuda!’ Ug ang tanang katawhan moingon, ‘Amen!’