Lucas 18:16

Ang Biblia 2011

Apan gitawag sila ni Jesus ngadto kaniya nga nag-ingon, “Paduola kanako ang mga bata ug ayaw ninyo sila pugngi, kay ang gingharian sa Dios ila sa mga sama kanila.

Cross References

Genesis 21:4

Ug gituli ni Abraham ang iyang anak nga si Isaac sa dihang walo na siya ka adlaw, sumala sa sugo sa Dios.

2 Cronicas 20:13

Ang tanang katawhan sa Juda mitindog sa atubangan sa Ginoo uban ang ilang mga gagmay, ang ilang mga asawa ug ang ilang mga anak.

Jeremias 32:39

Hatagan nako sila ug usa ka kasingkasing ug usa ka dalan, aron sila mangahadlok kanako hangtod sa kahangtoran, alang sa ilang kaayohan ug sa kaayohan sa ilang mga anak sunod kanila.

Mateo 19:14

apan si Jesus miingon, “Paduola kanako ang gagmayng kabataan ug ayaw ninyo sila pugngi kay ang gingharian sa langit ila sa mga sama kanila.”

Lucas 18:15

Ug gidala usab nila ang ilang mga gagmayng bata ngadto kaniya aron unta panalanginan sila niya, ug sa pagkakita niini sa mga tinun-an, ilang gibadlong sila.

Lucas 18:17

Sa pagkatinuod, moingon ako kaninyo, si bisan kinsa nga dili modawat sa gingharian sa Dios sama sa gamayng bata, dili makasulod niini.”

Mga Buhat 2:39

Kay ang saad alang kaninyo ug sa inyong mga anak ug sa tanan nga atua sa layo, ang matag usa nga gitawag sa Ginoo nga atong Dios ngadto kaniya.”

1 Mga Taga-Corinto 14:20

Mga igsoon, ayaw kamo pagbinata sa inyong hunahuna, hinuon sa daotan pagpakabata kamo, apan sa hunahuna pagpakahamtong kamo.

1 Mga Taga-Corinto 7:14

Kay ang bana nga dili magtutuo gibalaan pinaagi sa iyang asawa nga magtutuo, ug ang asawa nga dili magtutuo gibalaan pinaagi sa bana. Kay kon wala pa, ang inyong mga anak dili unta hinlo, apan sila karon binalaan.

Deuteronomio 29:11

ang inyong mga bata, ang inyong mga asawa, ug ang langyaw nga anaa sa kampo, sila nga tigputol sa inyong sugnod ug tigkalos sa inyong tubig,

Deuteronomio 31:12

Tigoma ang katawhan, ang mga lalaki, ang mga babaye, ang mga bata ug ang mga langyaw nga anaa sa inyong mga lungsod aron sila makadungog ug makakat-on sa pagkahadlok sa Ginoo nga inyong Dios ug magmatngon sa pagbuhat sa tanang mga pulong niini nga Balaod,

1 Pedro 2:2

sama sa mga bata nga bag-o pang nahimugso, tinguhaa ninyo ang espirituhanong gatas nga walay sagol, aron nga pinaagi niini kamo motubo ngadto sa kaluwasan,