Lucas 18:12

Ang Biblia 2011

Nagpuasa ako makaduha sa usa ka semana, ug naghatag ako sa ikapulo sa tanan nakong kinitaan.’

Cross References

2 Mga Hari 10:16

Ug siya miingon, “Uban kanako ug tan-awa ang akong pagkamainiton alang sa Ginoo.” Busa nanakay sila sa karwahi.

Isaias 1:15

Sa diha nga bayawon ninyo ang inyong mga kamot, tagoon nako ang akong mga mata gikan kaninyo; bisan ug maghimo pa kamo ug daghang mga pag-ampo, dili ako mamati; ang inyong mga kamot puno sa dugo.

Malaquias 3:8

Mangawat ba ang tawo sa Dios? Apan kamo nangawat kanako ug kamo nag-ingon, ‘Giunsa namo pagpangawat kanimo?’ Sa inyong mga ikapulo ug sa mga halad.

Numeros 18:24

Kay ang ikapulo sa katawhan sa Israel nga ilang gidala ingon sa halad ngadto sa Ginoo akong gihatag nga panulondon sa mga Levihanon. Tungod niana miingon ako kanila nga sila walay panulundon taliwala sa katawhan sa Israel.”

Numeros 23:4

Ug ang Dios nakigtagbo kang Balaam ug si Balaam miingon kaniya, “Ako nag-andam ug pito ka halaran, ug ako naghalad ug usa ka torong baka ug usa ka laking karnero sa ibabaw sa matag halaran.”

Mateo 5:20

Kay sultihan ko kamo, kon ang inyong pagkamatarong dili molabaw sa ila sa mga eskriba ug sa mga Pariseo, dili gayod kamo makasulod sa gingharian sa langit.

Mateo 6:1

“Pagmatngon kamo nga ang inyong maayong binuhatan dili ninyo himoon atubangan sa mga tawo aron lamang makita nila kini, kay sa ingon niana wala kamoy ganti gikan sa inyong Amahan nga anaa sa langit.

Mateo 6:16

“Ug sa dihang magpuasa kamo, ayaw pagpakita nga nasubo kamo, sama sa mga tigpakaaron-ingnon kay gipasagdan nila nga nagkagidlay ang ilang mga nawong aron ang mga tawo makakita kanila nga nagpuasa. Sa pagkatinuod, sultihan ko kamo nga sila nakadawat na sa ilang ganti.

Mateo 6:5

“Ug sa dihang mag-ampo kamo, ayaw kamo pagsundog sa mga tigpakaaron-ingnon kay sila nahigugmang mag-ampo nga magtindog sa sulod sa mga sinagoga ug diha sa mga likoanan sa kadalanan aron makita sila sa mga tawo. Sa pagkatinuod, sultihan ko kamo nga sila nakadawat na sa ilang ganti.

Mateo 9:14

Unya ang mga tinun-an ni Juan miduol ug miingon kang Jesus, “Ngano ba nga kami ug ang mga Pariseo nagpuasa, apan ang imong mga tinun-an wala?”

Lucas 11:42

“Apan alaot kamong mga Pariseo, kay naghatag kamo sa ikapulo sa mga lamas sama sa herbabuyna ug sa kaningag ug sa tanang utanon, apan inyong gipasagdan ang hustisya ug ang gugma alang sa Dios! Kining mga butanga kinahanglan gayod nga inyo untang buhaton sa walay pagpasagad sa uban.

Lucas 17:10

Mao usab kamo, sa dihang mabuhat ninyo ang tanang gisugo kaninyo, ingna ninyo, ‘Kami mga sulugoon nga walay pulos kay igo man lamang kami nga nagtuman sa tanan nga gisugo kanamo.’ ”

Roma 3:27

Unya naunsa na man ang atong pagpagarbo? Gisalikway na! Sa unsang balaod? Sa mga buhat ba? Dili, hinuon pinaagi sa balaod sa pagtuo.

1 Mga Taga-Corinto 1:29

aron dili makapasigarbo ang tanang tawo diha sa atubangan sa Dios.

Mga Taga-Galacia 1:14

ug nga diha sa tinuohan sa mga Judio ako miuswag labaw pa kay sa kadaghanan sa akong mga katagilungsod nga kadungan nako, nga sa hilabihan ako mainiton gayod alang sa mga gikabilinbilin nga kalagdaan sa akong mga katigulangan.

Mga Taga-Efeso 2:9

dili tungod sa mga binuhatan aron walay bisan kinsa nga magpasigarbo.

1 Timoteo 4:8

kay ang lawasnon nga pagbansay may kapuslanan usab, apan ang pagkadiosnon mapuslanon gayod sa tanang paagi, ingon nga kini adunay saad sa kinabuhi karon ug sa umaabot.

1 Samuel 15:13

Si Samuel miadto kang Saul, ug si Saul miingon kaniya, “Panalanginan unta ikaw sa Ginoo! Ako nagbuhat sa sugo sa Ginoo.”