Lucas 17:26

Ang Biblia 2011

Ingon sa nahitabo kaniadto sa mga adlaw ni Noe, mao usab unya sa mga adlaw sa Anak sa Tawo.

Cross References

Genesis 6:5

Nakita sa Ginoo nga dako ang pagkadaotan sa tawo sa ibabaw sa yuta ug nga ang tanang anaa sa mga hunahuna sa iyang kasingkasing kanunay lamang nga daotan.

Genesis 6:7

Ug miingon ang Ginoo, “Akong laglagon gikan sa nawong sa yuta ang tawo nga akong gibuhat, tawo ug mananap ug ang mga nagkamang sa yuta ug mga langgam sa kalangitan kay nagbasol ako nga gibuhat ko sila.”

Genesis 6:8

Apan si Noe nakapahimuot sa mga mata sa Ginoo.

Isaias 22:13

ug tan-awa, kalipay ug kasadya, ang pagpatay ug mga baka ug pag-ihaw ug mga karnero, ang pagkaon ug unod ug pag-inom ug bino. “Mangaon kita ug manginom, kay ugma mangamatay kita.”

Lucas 17:22

Siya miingon sa iyang mga tinun-an, “Ang mga adlaw moabot nga kamo mangandoy sa pagtan-aw sa usa sa mga adlaw sa Anak sa Tawo, apan dili kamo makakita niini.

Lucas 17:24

Kay ingon nga ang kilat mokilab ug mohayag sa langit gikan sa usa ka bahin ngadto sa pikas, mao usab unya ang Anak sa Tawo sa iyang adlaw.

Lucas 17:27

Sila nangaon, nanginom, nangasawa ug namana hangtod sa adlaw sa pagsulod ni Noe sa arka, ug ang lunop miabot ug gilaglag silang tanan.

Lucas 17:7

“Kinsa ba kaninyo, nga may sulugoon nga nagdaro o nagbantay sa mga karnero, nga moingon kaniya sa pag-abot niya gikan sa uma, ‘Ngari dayon ug lingkod sa kan-anan’?

Lucas 18:8

Sultihan ko kamo, nga sa madali iyang hatagan sila ug hustisya. Apan sa pag-abot sa Anak sa Tawo, makakita ba kaha siya ug pagtuo dinhi sa kalibotan?”

Mga Hebreo 11:7

Tungod sa pagtuo si Noe, sa napasidan-an siya sa Dios mahitungod sa mga hitabo nga wala pa makita, mitagad sa pasidaan ug iyang gibuhat ang arka alang sa pagluwas sa iyang panimalay. Tungod niini ang kalibotan iyang gihukman sa silot, ug siya nahimong manununod sa pagkamatarong nga pinaagi sa pagtuo.

2 Pedro 2:5

ug kon ang karaang kalibotan wala niya kaluy-i apan giluwas niya si Noe nga magsasangyaw sa pagkamatarong kauban sa pito ka tawo sa diha nga gipalunopan niya kadtong kalibotan sa mga dili diosnon,

2 Pedro 3:6

pinaagi niini ang kalibotan nga diha kaniadto gilunopan sa tubig ug nalaglag.