Lucas 17:22

Ang Biblia 2011

Siya miingon sa iyang mga tinun-an, “Ang mga adlaw moabot nga kamo mangandoy sa pagtan-aw sa usa sa mga adlaw sa Anak sa Tawo, apan dili kamo makakita niini.

Cross References

Mateo 9:15

Ug si Jesus miingon kanila, “Mahimo ba diayng magsubo ang mga dinapit sa kasal samtang ang nabana anaa pa uban kanila? Apan ang mga adlaw moabot nga ang nabana kuhaon na gikan kanila ug unya magpuasa na sila.

Marcos 2:20

Apan moabot ra ang mga adlaw nga ang nabana kuhaon na gikan kanila, ug unya magpuasa na sila nianang adlawa.

Lucas 13:35

Tan-awa, gibiyaan ang inyong balay. Ug sultihan ko kamo nga dili na kamo makakita kanako hangtod nga moingon kamo, ‘Bulahan ang mianhi sa ngalan sa Ginoo!’ ”

Lucas 5:35

Moabot ra unya ang mga adlaw, ug sa diha nga ang nabana kuhaon na gikan kanila, magpuasa na sila nianang mga adlawa.”

Juan 12:35

Si Jesus miingon kanila, “Ang kahayag anaa pa uban kaninyo sa mubo nga panahon. Panglakaw kamo samtang anaa pa kaninyo ang kahayag, kay tingali unya ug maapsan kamo sa kangitngit. Siya nga maglakaw sa kangitngit dili mahibalo kon asa siya padulong.

Juan 13:33

Mga anak, ako mag-uban kaninyo sa mubong panahon. Kamo mangita kanako. Ug sama sa akong pag-ingon sa mga Judio, sultihan usab kamo nako karon, ‘Asa ako padulong, dili kamo makaadto.’