Lucas 17:2

Ang Biblia 2011

Maayo pa alang kaniya nga higtan siya ug galingan nga bato diha sa iyang liog ug itambog ngadto sa dagat, kay sa makaangin siya sa usa niining mga gagmay sa pagpakasala.

Cross References

Isaias 40:11

Siya magpasibsib sa iyang panon sama sa usa ka tigbantay sa karnero, siya nagtigom sa mga nating karnero diha sa iyang bukton, magkugos kanila diha sa iyang dughan, ug malumong maggiya niadtong adunay mga gagmay.

Zacarias 13:7

“Pagmata na, O espada, batok sa akong tigbantay sa karnero, batok sa tawo nga nagtindog sunod kanako,” nag-ingon ang Ginoo sa mga panon. “Tigbasa ang tigbantay aron ang mga karnero magkatibulaag; pabalikon nako ang akong kamot batok sa mga gagmay.

Mateo 17:27

Apan aron dili kita makahatag ug kapandolan nila, lakaw ngadto sa lanaw, pag-itsa ug pasol ug bitara ang unang isda nga mapaslan ug ukba ang baba, ug sa sulod niini makita nimo ang salapi alang sa buhis sa Templo. Kuhaa kini ug ibayad kanila alang kanako ug kanimo.”

Mateo 18:10

“Matngoni ninyo nga walay usa niining mga gagmay nga inyong tamayon kay sultihan ko kamo nga didto sa kalangitan ang ilang mga anghel kanunayng nagsud-ong sa nawong sa akong Amahan nga anaa sa langit.

Mateo 18:14

Busa dili kabubut-on sa inyong Amahan nga anaa sa langit nga mawala ang bisan usa niining gagmay.

Mateo 26:24

Mahitabo gayod sa Anak sa Tawo ang unsay nasulat mahitungod kaniya, apan alaot kadtong tawhana nga magbudhi sa Anak sa Tawo! Maayo pa lang unta alang niadtong tawo nga wala siya matawo.”

Marcos 9:42

“Si bisan kinsa nga maoy makaingon sa pagpakasala sa usa niining gagmay nga nagsalig kanako, maayo pa alang kaniya nga hiktan ug dakong galingan nga bato ang iyang liog ug itambog siya ngadto sa dagat.

Juan 21:15

Sa nakapamahaw na sila, si Jesus miingon kang Simon Pedro, “Simon, anak ni Juan, gihigugma ba nimo ako labaw pa niini?” Siya mitubag kaniya, “Oo, Ginoo, nasayod ikaw nga gihigugma ko ikaw.” Siya miingon kaniya, “Pakan-a ang akong mga nating karnero.”

1 Mga Taga-Corinto 9:15

Apan wala ako magpahimulos sa bisan usa niining maong mga butang, ug wala ako magsulat niini aron maangkon kini. Kay maayo pa alang kanako nga mamatay kay sa kuhaan ako sa unsay akong ikapasigarbo.

1 Mga Taga-Corinto 9:22

Ngadto sa mga huyang, nahimo akong huyang aron makabig nako ang mga huyang. Ako nahimong tanang butang ngadto sa tanang tawo, aron nga sa bisan unsang paagi maluwas unta nako ang pipila kanila.