Lucas 17:14

Ang Biblia 2011

Ug sa iyang pagkakita kanila, siya miingon kanila, “Lakaw ug ipakita ang inyong kaugalingon ngadto sa mga pari.” Ug samtang nanglakaw sila, nangaayo sila.

Cross References

2 Mga Hari 5:14

Busa siya miadto ug mitunlob sa iyang kaugalingon sa makapito didto sa Jordan, sumala sa pulong sa tawo sa Dios, ug ang iyang lawas naulian sama sa lawas sa gamayng bata ug siya nahinlo.

Isaias 65:24

Sa dili pa sila magsangpit, ako motubag na, samtang nagsulti pa sila, ako mamati.

Mateo 3:15

Apan si Jesus mitubag kaniya, “Itugot kini karon kay angay kanato ang pagtuman sa tibuok nga pagkamatarong.” Ug siya mitugot kaniya.

Lucas 5:14

Unya gimandoan siya ni Jesus, “Ayaw panugilon kang bisan kinsa, apan lakaw ug pakita ngadto sa pari ug himoa ang halad pahinungod sa imong pagkahinlo sumala sa gisugo ni Moises, ingon nga pagpamatuod ngadto sa katawhan.”

Juan 11:10

Apan si bisan kinsa nga maglakaw panahon sa gabii mapandol kay ang kahayag wala man diha kaniya.”

Juan 2:5

Ug ang iyang inahan miingon sa mga sulugoon, “Unsa ang iyang isulti kaninyo, buhata ninyo.”

Juan 9:7

ug giingnan siya, “Lakaw, panghilam-os didto sa linaw sa Siloam” (nga sa ato pa, Pinadala). Ug siya miadto ug nanghilam-os ug mibalik siya nga nakakita na.