Lucas 16:6

Ang Biblia 2011

Kini mitubag, ‘Usa ka gatos ka banga nga lana sa olibo.’ Ug ang piniyalan miingon kaniya, ‘Ania, dawata ang imong bali, lingkod dayon ug isulat ang 50 ka banga.’

Cross References

Mateo 20:8

Ug sa pagkakilomkilom na, ang tag-iya sa parasan miingon sa iyang piniyalan, ‘Tawga na ang mga mamumuo ug ihatag kanila ang ilang mga suhol, sugod sa mga naulahi hangtod sa mga nauna.’

Lucas 16:12

Ug kon kamo dili kasaligan sa butang nga iya sa laing tawo, kinsa may mohatag kaninyo sa butang nga inyong kaugalingon?

Lucas 16:5

Unya, sa iyang pagpatawag ug tagsatagsa sa mga nakautang sa iyang agalon, miingon siya sa nauna, ‘Pila bay imong utang sa akong agalon?’

Lucas 16:7

Unya miingon siya sa lain, ‘Ug ikaw, pila bay imong utang?’ Kini mitubag, ‘Usa ka gatos ka bakid nga trigo.’ Ug ang piniyalan miingon kaniya, ‘Ania, dawata ang imong bali, ug isulat ang 80.’

Lucas 16:9

Ug sultihan ko usab kamo, pagpakighigala kamo alang sa inyong kaugalingon pinaagi sa dili matarong nga bahandi aron nga inigkahurot na niini kamo ilang dawaton ngadto sa walay kataposang mga puluy-anan.

Juan 2:6

Niadtong panahona didtoy gibutang nga unom ka tadyaw nga bato, sumala sa pagpanghinlo sa mga Judio. Ang matag usa niini kasudlan ug 20 o 30 ka galon.

Tito 2:10

dili mangawat, hinuon magpakita sila sa bug-os nga pagsalig, aron nga diha sa tanang butang mahimo nila nga angayan ang pagtulun-an sa Dios nga atong Manluluwas.