Lucas 16:3

Ang Biblia 2011

Ug ang piniyalan miingon sa iyang kaugalingon, ‘Unsa may akong buhaton, kay gikuhaan na man ako sa akong agalon sa katungdanan sa pagkapiniyalan? Wala akoy igong kusog aron sa pagbugwal, ug maulaw ako sa pagpakilimos.

Cross References

Ester 6:6

Busa si Haman misulod ug ang hari miingon kaniya, “Unsay buhaton ngadto sa tawo nga gikahimut-an sa pagpasidungog sa hari?” Ug si Haman miingon sa iyang kaugalingon, “Kinsa bay kahimut-an sa hari pagpasidungog labaw kay kanako?”

Mga Panultihon 13:4

Ang kalag sa tapolan mangandoy, ug walay bisan unsa nga makuha, samtang ang kalag sa makugihon gisangkapan nga madagayaon.

Mga Panultihon 15:19

Ang dalan sa tapolan gituboan sa mga tunok, apan ang agianan sa matarong usa ka lapad nga dalan.

Mga Panultihon 18:9

Siya nga tapolan sa iyang buhat igsoon niadtong naglaglag.

Mga Panultihon 19:15

Ang katapolan maghatod ngadto sa lawom nga pagkatulog, ug ang tapolan nga tawo mag-antos sa kagutom.

Mga Panultihon 20:4

Ang tapolan dili modaro panahon sa tingtugnaw; magpangita siya panahon sa ting-ani ug walay makuha.

Mga Panultihon 29:21

Kadtong nagpangga sa hilabihan sa iyang sulugoon sukad sa pagkabata, maghimo kaniya nga manununod sa kataposan.

Isaias 10:3

Unsa may inyong buhaton sa adlaw sa pagsilot diha sa bagyo nga umaabot gikan sa layo? Kang kinsa man kamo modangop aron magpakitabang, ug asa man ninyo ibilin ang inyong bahandi?

Jeremias 5:31

ang mga propeta nagpropesiya ug bakak, ug ang mga pari nagmando diha sa ilang kaugalingong kagahom; ang akong katawhan nahigugma nga maingon niana, apan unsay inyong buhaton kon ang kataposan moabot?

Oseas 9:5

Unsay inyong buhaton sa adlaw sa tinakda nga kasaulogan, ug sa adlaw sa kasaulogan sa Ginoo?

Mateo 20:8

Ug sa pagkakilomkilom na, ang tag-iya sa parasan miingon sa iyang piniyalan, ‘Tawga na ang mga mamumuo ug ihatag kanila ang ilang mga suhol, sugod sa mga naulahi hangtod sa mga nauna.’

Marcos 10:46

Unya miabot sila sa Jerico ug sa dihang mibiya na siya sa Jerico kauban sa iyang mga tinun-an ug sa usa ka dakong panon sa katawhan, naglingkod didto sa daplin sa dalan ang usa ka makililimos nga buta nga si Bartimeo, anak ni Timeo.

Lucas 12:17

Ug naghunahuna siya sa iyang kaugalingon nga nag-ingon, ‘Unsa may akong buhaton nga wala man akoy kahiposan sa akong mga abot?’

Lucas 16:2

Ug kini iyang gipatawag ug giingnan, ‘Unsa ba kining akong nadungog mahitungod kanimo? Hatagi ako ug husay sa imong pagkapiniyalan kay dili ka na mahimong piniyalan.’

Lucas 16:20

Sa gawas sa iyang pultahan gibutang ang usa ka tawong kabos nga ginganlan ug Lazaro, nga nalukop sa kabahong.

Lucas 16:22

Unya ang tawong kabos namatay ug gidala sa mga anghel ngadto sa sabakan ni Abraham. Unya ang tawong dato namatay usab ug gilubong.

Lucas 16:4

Ah, nahibalo na ako unsay akong buhaton aron dawaton ako sa mga tawo diha sa ilang mga balay kon papahawaon na ako gikan sa akong pagkapiniyalan.’

Lucas 18:4

Wala una niya kini panumbalinga, apan sa kataposan miingon siya sa iyang kaugalingon, ‘Bisan ug wala ako mahadlok sa Dios ug wala magtahod sa tawo,

Juan 9:8

Unya ang iyang mga silingan ug ang mga nakakita kaniya kaniadto ingon nga makililimos, miingon, “Dili ba mao man kini siya ang tawo nga kaniadto kanunayng naglingkod ug nagpakilimos?”

Mga Buhat 3:2

Didtoy usa ka lalaki nga bakol sukad pa sa iyang pagkatawo nga sa matag adlaw gibutang didto sa Templo, sa pultahan nga ginganlan ug Matahom aron mangayo ug limos kanila nga mosulod sa Templo.

Mga Buhat 9:6

Apan bangon ug sulod sa siyudad ug didto sultihan ikaw kon unsay kinahanglan nimong buhaton.”

2 Mga Taga-Tesalonica 3:11

Kay nakadungog kami nga ang uban kaninyo nagkinabuhi sa pagkatapolan, walay laing nahimo kondili ang pagpanghilabot sa buhat sa uban.