Lucas 16:23

Ang Biblia 2011

Ug didto sa Hades, sa nag-antos siya sa mga kasakit, giyahat niya ang iyang mga mata ug iyang nakita si Abraham didto sa layo ug si Lazaro diha sa iyang kiliran.

Cross References

Salmo 16:10

Tungod kay dili man nimo itugyan ang akong kalag ngadto sa Sheol, dili ikaw motugot nga ang imong balaan makakita sa Gahong.

Salmo 49:15

Apan lukaton sa Dios ang akong kalag gikan sa gahom sa Sheol kay dawaton niya ako. Selah

Salmo 86:13

Kay dako ang imong gugmang walay paglubad ngari kanako, ug giluwas nimo ang akong kalag gikan sa kahiladman sa Sheol.

Salmo 9:17

Ang mga daotan mangadto sa Sheol, ang tanang nasod nga nalimot sa Dios.

Mga Panultihon 15:24

Ang agianan sa maalamon nga tawo nagpadulong sa itaas ngadto sa kinabuhi, aron siya makalikay sa Sheol sa ubos.

Mga Panultihon 5:5

Ang iyang mga tiil nagpaingon ngadto sa kamatayon; ang iyang mga lakang nagsubay sa agianan padulong sa Sheol;

Mga Panultihon 7:27

Ang iyang balay mao ang dalan ngadto sa Sheol, nagpaingon ngadto sa mga lawak sa kamatayon.

Mga Panultihon 9:18

Apan wala siya mahibalo nga ang mga patay atua didto, nga ang iyang mga dinapit anaa sa mga kahiladman sa Sheol.

Isaias 14:15

Apan gidala hinuon ikaw ngadto sa Sheol, sa kinahiladmang dapit sa Gahong.

Isaias 14:9

Ang Sheol sa kahiladman gitandog aron sa pagtagbo kanimo sa imong pag-anhi, gipukaw ang mga minatay alang kanimo, ang tanang pangulo sa yuta; gipatindog niini gikan sa ilang mga trono ang tanang mga hari sa kanasoran.

Mateo 11:23

Ug ikaw Capernaum, ituboy ka ba diay ngadto sa kalangitan? Itambog ka hinuon ngadto sa Hades. Kay kon ang mga milagro nga gihimo diha kanimo didto pa himoa sa Sodoma, milungtad unta kini hangtod karon.

Mateo 18:9

Ug kon ang imong mata maoy makaangin kanimo sa pagpakasala, lugita kini ug isalibay kay maayo pa alang kanimo nga mosulod sa kinabuhi bisan usa na lang ang imong mata, kay sa adunay duha apan itambog ikaw ngadto sa kalayo sa imperno.

Mateo 23:33

Kamong mga bitin ug kaliwat sa mga bitin, unsaon man ninyo paglingkawas gikan sa pagkahinukman ngadto sa imperno?

Mateo 5:22

Apan sultihan ko kamo nga si bisan kinsa nga masuko batok sa iyang igsoon, mahiagom sa hukom, ug si bisan kinsa nga moingon, ‘Kuwanggol ka!’ manubag ngadto sa Sanhedrin, ug si bisan kinsa nga moingon, ‘Buang ka!’ mahiagom sa kalayo sa imperno.

Mateo 5:29

Busa kon ang imong tuo nga mata mao ang makaingon sa imong pagpakasala, lugita ug isalibay kini kay maayo pa nga mawad-an ikaw ug usa ka bahin sa imong lawas kay sa ibanlod ang tibuok nimong lawas ngadto sa imperno.

Mateo 8:29

Ug misinggit sila nga nag-ingon, “Unsay imong tuyo kanamo, Anak sa Dios? Mianhi ba ikaw aron sa pagsakit kanamo sa dili pa ang panahon?”

Lucas 16:24

Siya mituaw nga nag-ingon, ‘Amahan kong Abraham, kaluy-i intawon ako, ug sugoa si Lazaro sa pagtuslob sa tumoy sa iyang tudlo diha sa tubig aron ipabugnaw sa akong dila kay ania ako sa kasakit niining nagdilaab nga kalayo.’

Lucas 16:28

kay aduna akoy lima ka igsoong lalaki, aron iyang pasidan-an sila, basin unya ug mahianhi sila niining dapita sa kasakit.’

Lucas 8:28

Ug sa pagkakita niya kang Jesus, misiyagit siya ug mihapa sa iyang atubangan ug miingon sa kusog nga tingog, “Unsa bay imong tuyo kanako, Jesus, Anak sa Labing Halangdong Dios? Nagpakiluoy ako kanimo, ayaw intawon ako paantosa.”

1 Mga Taga-Corinto 15:55

“O kamatayon, hain na ang imong kadaogan? O kamatayon, hain na ang imong kalala?”

2 Pedro 2:4

Kay kon ang mga anghel wala saylo-i sa Dios sa diha nga nakasala sila, apan gitambog hinuon sila ngadto sa imperno ug gibalhog ngadto sa mga lungib sa kangitngit ug gitagana hangtod sa pagpanghukom,

Gipadayag 20:10

Ug ang yawa nga nagpahisalaag kanila gitambog ngadto sa linaw nga kalayo ug asupri diin atua ang bangis nga mananap ug ang mini nga propeta, ug didto sakiton sila adlaw ug gabii hangtod sa kahangtoran.